Россиялик олимлар мамлакатнинг Сибир қисмида янги динозавр турини кашф қилишди. Бу ҳақда Санкт-Петербург университети палеонтологлари берган маълумотга асосланиб, The Moscow Times нашри хабар берди.
Санкт-Петербург давлат университети палеонтологлари 16 март куни Сибирда камида 100 миллион йил аввал яшаган деб ҳисобланаётган динозавр тури кашф этилганини маълум қилишган. Ушбу хабарни кўплаб тадқиқот институтлари тасдиқлаган.
Янги тур қолдиқлари кўмир қазиб олишга ихтисослашган Кемерово вилоятининг Кия дарёси қирғоғидан топилган. Ушбу тур тез ҳаракатланувчи динозаврлар синфига кирган.
Динозавр 153-148 миллион йил аввал яшагани айтилган. У Юра даври сўнггига тааллуқли бўлиб, йиртқич сератозаврлар туркумига кирган.
“Бу динозавр Осиёдаги бўр даври чўкинди қатламларида топилган биринчи сератозавр бўлиб, илгари улар бу ҳудудда 40 миллион йил аввал йўқ бўлиб кетган деб ҳисоблананар эди”, — дейилган палеонтологлар ҳисоботида.
Янги турга олимлар Kiyacursor longipes деб ном беришган. Ушбу ном “Кия дарёси бўйида югурувчи узун оёқли” деган маънони англатади. Олимларнинг фикрича, динозавр замонавий туяқушларникига ўхшаш узун орқа оёқлари туфайли тез югура олган.
Изоҳ (0)