Америка ва хитойлик палеонтологларнинг ҳамкорликдаги тадқиқот гуруҳи Ҳитойнинг шарқий провинцияси Цзянсуда тахминан 100 миллион ёшда бўлган тўртта динозаврнинг тошга айланган изларини топди. Бу ҳақда «ТАСС» хабар берди.
Қайд этилишича, аниқланган динозавр излари зауроподлар гуруҳи — Ер юзида қачонлардир яшаган тўрт оёқли энг йирик ўтхўр динозаврлар гуруҳига мансуб. Мутахассисларнинг тахминича, бу топилма ҳозирги Хитой ҳудудида қандай динозаврлар тури яшагани ва уларнинг эволюциясини ўрганишда ёрдам беради.
Тадқиқотда Хитойнинг геофанлар университети, Колорадо университети ва бошқа бир қатор университетлар палеонтологлари иштирок этган.
Хабарда айтилишича, ҳозирда олимлар камёб топилма ҳимоясини таъминлаш мақсадида маҳаллий ҳукумат билан ҳамкорлик қилмоқда.
Изоҳ (0)