Ҳиндистонда ўзини британиялик шифокор сифатида таништириб, юрак операцияларини ўтказган ва етти беморнинг ўлимига сабаб бўлган шахс ҳибсга олинди. Бу ҳақда BBC хабар берди.
Сохта шифокор Нарендра Викрамадитя Ядав бўлиб, у ўзини Dr. N John Kamm деб таништирган. У Мадҳя Прадеш штатидаги христиан шифохонасида кардиолог сифатида ишлаган. Полиция уни фирибгарлик ва ҳужжатни сохталаштиришда айбламоқда.
7 апрель куни ҳибсга олинишидан бир неча соат аввал, Ядав ўзига туҳмат қилганликда айблаб, нашриётларга 50 миллион рупийлик (тахминан 580 минг доллар) даъво аризасини юборган. У ишлаган Дамоҳ шаҳридаги шифохона Ядавнинг сохта дипломларидан бехабар бўлган.
Ҳеч ким унинг сохта шифокор эканидан шубҳаланмаган. У ўзини профессор сифатида тутарди, деган шифохона расмийси.
Мазкур иш февраль ойида, Дамоҳ болалар ҳуқуқлари қўмитаси бир неча бемор ўлимини кузатгач очилган. Ядав бу орада ишдан бўшаб, бедарак кетган.
Ядавнинг шахсига оид шубҳалар илк бор 2019 йилда пайдо бўлган. У Британияда профессор Жон Камм қўл остида ўқиганини, 2002 йилда St Georgeʼs касалхонасида фаолият юритганини айтган. Кейинчалик АҚШ, Германия ва Испанияда ҳам ишлаганини ижтимоий тармоқларда ёзган.
2023 йилда у Prof N John Kamm номи остида Х (собиқ Twitter)да ўз саҳифасини очгач. Ҳақиқий профессор Жон Камм бу саҳифа сохта эканини билдирган.
Ядав 2019 йилда ҳам британиялик шифокорни ўғирлашда гумон қилиниб ҳибсга олинган, 2014 йилда эса касбий этика қоидаларини бузганлик учун 5 йил фаолиятидан четлатилган. 2013 йилда Уттар Прадешда унга нисбатан фирибгарлик айблови билан иш қўзғатилган, бироқ кейин бу иш суд қарори билан тўхтатилган.
Изоҳ (0)