“Анора” фильмини тарғибот қилиш ҳуқуқларини қўлга киритган Neon студияси реклама кампаниясига қарийб 18 миллион доллар сарфлади, деб хабар берди “Закон.кз”.
Дистрибютор студиянинг бош директори Том Куинн сўзларига кўра, мазкур кўрсаткич фильм бюджетидан уч баравар кўпдир. “Анора”нинг бутун дунё бўйлаб касса тушумлари 46,7 миллионга етган бўлса-да, натижа кутилганидан камроқ бўлди. Шу билан бирга, фильмни тарғиб қилиш ишлари
- босма, онлайн ва телевидение орқали реклама;
- “Оскар”да овоз берувчи Америка Академияси аъзолари учун DVD дискларни ишлаб чиқариш кабиларни ўз ичига олди.
“Анора” фильми Apple ва Амазон платформаларида машҳурлик бўйича биринчи ўринни эгаллаши ҳам лойиҳанинг реклама кампанияси муваффақиятли бўлганини англатади.
Режиссёр Шон Бейкер томонидан суратга олинган ушбу фильм “Энг яхши фильм”, “Энг яхши режиссёр”, “Энг яхши оригинал сценарий” ва “Энг яхши монтаж” каби тўртта “Оскар” мукофотини қўлга киритди. Шунингдек, бош ролни ижро этган Майки Медисон “Энг яхши актриса” номинациясида ғолиб бўлди.
Изоҳ (0)