Тошкент шаҳрининг икки тумани аҳолисига бугун, 8 апрель куни газ етказиб бериш вақтинча тўхтатилади. Бу ҳақда “Ҳудудгаз пойтахт” ГТФ хабар берди.
Унда айтилишича, таъмирлаш ишлари туфайли Мирзо Улуғбек ва Яккасарой туманларининг қуйидаги ҳудудларига 8 апрель куни табиий газ етказиб бериш вақтинча тўхтатилади.
Мирзо Улуғбек тумани (10:00 дан 18:00 гача):
- “Дархон”, “Катта Олтинтепа” ва “Олийҳиммат” МФЙ;
- Аҳоли хонадонлари сони: 550 та ерли хонадон, 7 та кўп қаватли уй;
- Улгуржи истеъмолчилар сони: 11 та.
Яккасарой тумани (11:00 дан 18:00 гача):
- “Шохжаҳон” МФЙ;
- Аҳоли хонадонлари сони: 9 та кўп қаватли уй;
- Улгуржи истеъмолчилар сони: 8 та.
Таъмирлаш ишлари тугатилгандан сўнг табиий газ таъминоти қайта тикланади. Юзага келаётган ноқулайликлар учун газ таъминоти филиали истеъмолчилардан узр сўради.
1 апрель санасидан эътиборан мамлакатда иситиш мавсумида табиий газ учун жорий қилинган 500 куб метрлик базавий меъёр 100 куб метрга туширилиши айтилган эди. Табиий газ ва электр энергияси тарифларини ошириш 1 апрелга режалаштирилган эди. Бироқ президент топшириғига кўра, 1 майга кўчирилди.
1 майдан бошлаб электр энергияси учун базавий тариф ( 200 кВт/соат доирасида) 450 сўмдан 600 сўмга, газ учун 650 сўмдан 1000 сўмгача оширилади.
Изоҳ (0)