Президент раислигида ижтимоий ҳимоя соҳасида амалга оширилган ишлар юзасидан йиғилиш ўтказилиши, Энергетика вазири Жўрабек Мирзамаҳмудов иқтисодчи Отабек Бакиров устидан прокуратура ва ИИВга шикоят аризаси киритиши, букмекерлик фаолиятини амалга ошириш учун 5 йилга лицензия берилиши — “Дарё” нашри бугун, 13 декабрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда иссиқхоналарга табиий газ етказиб беришга қисман чекловлар киритилди
Мазкур чекловлар фақат ҳаво ҳарорати кескин пасайиб кетган вақтда қўлланилади.
Камбағал оилалар фарзандларининг 3,5 минг нафари олийгоҳларга грант асосида қабул қилинади
Мутасаддиларга 1 мартгача тўгараклар очиб, камбағал оиладаги 118 минг ёшларни ўқитишни бошлаш топширилди.
“Камбағал оиладаги 460 минг одам тиббий ёрдамга, 6 мингта оила эса уй-жой шароитини яхшилашга муҳтож” — президент
2025 йилда муҳтож одамларнинг жарроҳлик амалиёти учун Тиббий суғурта жамғармасига қўшимча 185 млрд сўм ажратилади.
Президент республика бўйича 33 та туманда ногиронлиги борларнинг реабилитацияси қамрови 1 фоизга ҳам етмаслигини танқид қилди
Жорий йил бошидан ногиронлиги борлар Жиззах, Қашқадарё, Навоий, Сирдарё ва Сурхондарёда 10 фоизга кўпайди. Бу кўрсаткич 20 та туманда 12 фоиздан юқори.
Ўзбекистонда ижтимоий хизмат ва ёрдам олиш учун махсус карта жорий этилади
Ижтимоий карта билан автобус, метрода бепул юриш, электр, газ ва ўқиш харажатига компенсация олиш мумкин бўлади. Нафақа ва ёрдам пуллари ҳам шу картага тушади.
“Топ-100” аёли рўйхатига кирган Дилором Йўлдошевага “Мардлик” ордени берилди
Президент дунёнинг энг руҳлантирувчи “Топ-100” аёли рўйхатига кирган деновлик Дилором Йўлдошеванинг ишларини эътироф этди. Бу аёл ногиронлиги бор бўлса-да, тикув корхонасини очиб, 40 нафар камбағал хотин-қизларни ишли қилган.
Ўзбекистонда ҳаракатланиши чекланган болаларга мактабга келиб-кетиш харажатининг 75 фоизини қоплаб бериш тизими жорий этилади
Республика бўйича ногиронлиги бор болаларни 16,5 минги мактабга, 17,5 минги боғчага бормайди, яна 11 минг бола махсус мактаб-интернатларда ота-онасидан узоқда ўқияпти.
Январдан ногиронлиги бўлган ишчилар учун ижтимоий солиқ 1 фоиз этиб белгиланади
Айни пайтда мазкур солиқ ставкаси 12 фоизни ташкил этади.
Шаҳноза Мирзиёева зиммасига янги вазифа юклатилди
Эндиликда у ногиронлиги бор ҳамда ота-она меҳридан бебаҳра қолган болаларнинг сифатли таълим-тарбия олиши ва оилавий муҳитга қайтишини ташкил қилиш масалаларини мувофиқлаштиради.
Энергетика вазири Жўрабек Мирзамаҳмудов иқтисодчи Отабек Бакиров устидан прокуратура ва ИИВга шикоят аризаси киритди
Шикоят Бакировнинг 2023 йил 5 июнь куни Сағбон подстанцияси билан боғлиқ муаммо ҳақида ёзган пости билан боғлиқ.
Ўзбекистонда букмекерлик фаолиятини амалга ошириш учун 5 йилга лицензия берилади
Таваккалчиликка асосланган ўйинлар, лотереялар ташкил этиш ва букмекерлик фаолиятини амалга оширишга қўйиладиган талаблар тасдиқланди.
Ўзбекистонда энергетика соҳасида қиймати 3,7 млрд долларлик 18 та лойиҳа ишга туширилади
Президент буни энергетика соҳасидаги тарихий воқеа деб атади.
Самарқандда 23 ёшли бюти-блогер қиз вафот этди
Ҳолат юзасидан прокуратура томонидан терговга қадар текшириш ҳаракатлари олиб борилмоқда.
“Ўзбекистон иқтисодиёти ҳажми 2030 йилга бориб 200 млрд долларга етказилиши режа қилинган” — президент
Шунингдек, 2030 йилгача 19 минг мегаватт “яшил қувват”ларни барпо этиб, қайта тикланувчи энергия улушини 54 фоизга етказиш режалаштирилган.
Халқ артисти Тўлқин Тожиев 88 ёшида вафот этди (фото)
Кино, театр ва дубляж санъати устаси вафот этди. У мингдан ортиқ фильмларни овозлаштиришда иштирок этган.
Сергелидаги фастфуд кафесида ёнғин содир бўлди
Ёнғин оқибатида ҳалок бўлган ва жабрланганлар йўқ.
БАА етакчи компаниялари иштирокида Ўзбекистонда амалга оширилаётган лойиҳалар портфели 20 млрд долларга етди
Шавкат Мирзиёев БАА саноат ва илғор технологиялар вазири ҳамда энергетика ва инфратузилма вазири билан учрашди.
Шавкат Мирзиёев АCWА Power компанияси раиси билан учрашув ўтказди. Нималар муҳокама қилинди?
Бугунги кунга амалга оширилган лойиҳалар портфели 15 миллиард долларни ташкил этмоқда.
Озодбек Назарбеков “Қирғизистон Республикаси халқ артисти” унвони билан тақдирланди
Қирғизистон президенти Садир Жапаров Озодбек Назарбеков билан учрашди.
Туркиянинг компанияси билан ҳамкорликда Қашқадарёда қуввати 400 мВт бўлган электр станцияси ишга туширилди
Шавкат Мирзиёев Akca Enerji компанияси раиси Жамил Казанчини қабул қилди.
Изоҳ (0)