Хитойнинг Тайванни қамал қилиш бўйича эҳтимолий сценарийлари моделлаштирилди. Тегишли моделлаштириш АҚШ Мудофаа вазирлиги, Тайван ҳукумати ва ҳарбий экспертлар томонидан амалга оширилди. Бу ҳақда The Wall Street Journal хабар берди.
-QpvB3Ixz.avif)
Хабарга кўра, изоляция Тайван учун жиддий чақириқ бўлади, босқиндан ташқари у оролни Пекинга таслим бўлишга мажбур қилади. Хитойнинг эҳтимолий ҳаракатлари сўнгги йилларда орол яқинида ўтказаётган кенг кўламли ҳарбий машғулотлар ёрдамида ҳисоблаб чиқилган. Экспертлар ўнга яқин вариантни ўрганган, уларнинг барчаси умумий жиҳатларга эга.
Ҳужум: Хитой Тайван инфратузилмасига, жумладан, ҳарбий объектлар, портлар ва аэропортларга реактив қирувчи самолётлар, вертолётлар ва дронларни жалб қилган ҳолда авиаҳужум қилади.
Блокада: оролни Хитой ҳарбий-денгиз кучлари кемалари ўраб олади, шу билан бирга, улар масофани сақлаб қолади. Тайваннинг кемага қарши ракеталари уларга етиб бора олмайди. Авиаҳужум гуруҳи Тайваннинг жануби-шарқидаги позицияни эгаллайди. Хитой у ердан АҚШ ва бошқа давлатлар кучларини ушлаб туриш учун J-15 қирувчи самолётларини учириши мумкин бўлади. Орол яқинида пайдо бўлган “бўшлиқлар” денгиз милицияси деб аталадиган фуқаролик кемалари томонидан тўлдирилади.
Изоляция: Хитой Тайванга савдо кемаларининг киришини, жумладан, оролнинг асосий портларини миналаштириш орқали блоклайди.
Киберизоляция: Хитойнинг юк кемалари ўнлаб сувости интернет-кабелларига зарар етказади. Пекин Тайваннинг ҳарбий қўмондонлиги ва молиявий тизимларига қарши киберҳужумларни бошлайди.
Хитой Тайванга зарба бериш учун воситаларга эга
Пентагон маълумотларига кўра, мамлакат қуролли кучлари оролга етиб бориши мумкин бўлган 1,9 мингга яқин реактив қирувчи ва 500 та бомбардимончи самолётга, шунингдек, 3 мингдан ортиқ ракетага эга. Ҳозирда Хитой ҳарбий-денгиз кучлари таркибига 370 дан ортиқ кема киради. 2030 йилга келиб уларнинг сони 425 тага етади. Бу кўрсаткич АҚШга қараганда учдан бир қисмга кўп, дейилади Америка Конгресси Тадқиқот хизмати маълумотларида.
Тайваннинг 96 фоиз энергия ресурслари — нефть, кўмир ва табиий газ импортига боғлиқ, шунингдек, орол озиқ-овқат маҳсулотларининг тахминан 70 фоизини импорт қилади. Хитой томонидан эҳтимолий блокада орол иқтисодиётини “бўғиб қўяди” ва ҳукуматнинг қаршилик кўрсатиш қатъиятига путур етказади, деб ёзади WSJ.
Агар қамал бўлмаса, Пекин “карантин” эълон қилиши мумкин, унинг давомида Хитой ҳуқуқ-тартибот идоралари оролга ҳаётий муҳим товарларни етказиб берувчи кемаларни ушлаб туради.
WSJ нашрининг ёзишича, Тайван Хитой ҳарбий машғулотлари ҳақиқий ҳужумга айланишидан хавотирда. Ҳар йили ўтказиладиган ҳарбий машғулотлар давомида Тайбей 2027 йилни Хитой армияси бостириб кириши мумкин бўлган йил сифатида белгилади.
АҚШнинг собиқ маъмурияти даврида ҳам худди шундай муддат белгиланган эди. Ҳозирги президент Дональд Трамп ва молия вазири Скотт Бессентнинг сўзларига кўра, Хитойни Си Цзиньпин бошқараётган даврда босқинчилик содир бўлмаслигига ишончи комил.
Изоҳ (0)