ЕЧЛ. “Барселона” ўз майдонида “Наполи”ни мағлуб этиб, кейинги босқичга йўл олди

Футбол бўйича Европа Чемпионлар Лигасининг нимчорак финал жавоб ўйинида “Барселона” 12 март, сешанба куни “Наполи”га қарши баҳс олиб борди.

Учрашув каталонияликларнинг устунлигида бошланди. 15-дақиқада Fermiн Лопез дарвозани ишғол қилди. Орадан 2 дақиқа ўтиб, “кўк-анорранглилар” ҳисобни ишончли кўринишга олиб келди. Бу сафар гол муаллифи Жоау Канселу бўлди.

30-дақиқада Рраҳмани ҳисобни қисқартиришга муваффақ бўлди. Бўлим 2:1 ҳисобида каталонияликлар устунлигида якунланди.

Иккинчи бўлимда неаполликлар темпни туширди. 83-дақиқага келиб эса ҳисоб ўзгарди. “Барселона” ўзининг анъанавий тики-така услубида рақиб жарима майдонига кириб борди ва Роберт Левандовски ушбу ҳужумни гол билан якунлади. Шу тариқа испанлар 3:1 ҳисобида зафар қучиб, кейинги босқич йўлланмасини қўлга киритди.

Жамоалар ўртасидаги дастлабки ўйинда 1:1 ҳисоби қайд этилган эди.

ЕЧЛ

1/8 финал

12 март, сешанба

“Барселона” – “Наполи” 3:1

Голлар: 1:0 – 15 Лопес, 2:0 – 17 Жоау Канселу, 2:1 – 30 Рраҳмани, 3:1 – 83 Левандовски.

“Барселона”: тер Стеген, Кунде, Араухо, Кубарси, Жоау Канселу, Кристенсен (Ромеу, 61), Гундўған, Лопес (Сержи Роберто, 60), Рафинья (Жоау Феликс, 81), Ямал, Левандовски.

“Наполи”: Мерет, Ди Лоренсо, Жезус, Рраҳмани, Мариу Руй (Оливера, 64), Лоботка, Замбо-Ангисса, Траоре (Распадори, 78), Политано (Линдстрем, 64), Кварасхелия, Осимҳен.

Огоҳлантиришлар: Кристенсен (19), Ямал (44), Жезус (45), Траоре (63), Оливера (67).