Каталониянинг “Барселона” клуби вингери Ламин Ямал жамоанинг энг иқтидорли футболчилари ким эканини очиқ айтди. Бу ҳақда Championat нашри хабар берди.
Футболчи журналистларнинг каталонияликлар сафидаги энг иқтидорли футболчи ким, деган саволига ўзи ҳамда жамоадоши Педри номини айтди:
“Барселона”нинг энг иқтидорли футболчилари? Мен ва Педри, деди футболчи.
Аввалроқ Ямал бошқа интервьюда ўзига “Реал” асосий ранги бўлган оқ рангдаги машинани ҳеч қачон сотиб олмаслигини айтган эди.
Жорий мавсумда 17 ёшли Ламин барча турнирларда 39 та ўйинда майдонга тушиб, 13 та гол ва 17 та голли узатма муаллифига айланди. Унинг клуб билан амалдаги шартномаси 2027 йилнинг ёзига қадар давом этади. Transfermarkt маълумотларига кўра, футболчининг қиймати 180 миллион еврони ташкил этади.
“Барселона” ҳозирда Ла Лиганинг турнир жадвалида 28 та ўйиндан сўнг 63 очко тўплаган ҳолда биринчи ўринда бормоқда. Уларнинг асосий рақобатчиси “Реал” 60 очко билан 2-ўринни эгаллаб турибди.
Изоҳ (0)