Футбол бўйича Европа Чемпионлар Лигасининг нимчорак финалидан ўрин олган икки ўйин 21 февраль, чоршанба куни бўлиб ўтди.
“Наполи” ўз уйида Испаниянинг “Барселона” жамоасини қабул қилди. Биринчи бўлимда жамоалар ўз дарвозаси даҳлсизлигини сақлаб қолди. Учрашувнинг 60-дақиқасида Левандовски меҳмонларни олдинга олиб чиқди. 15 дақиқа ўтиб Осимҳен ҳимоячи билан курашда ютиб чиқди ва ҳисобни тенглаштирди. Ушбу гол учрашувда сўнггиси бўлиб қолди.
Португалияда бўлган “Порту” ҳамда “Арсенал” ўртасидаги учрашув муросасиз курашлар билан кечди. Учрашувнинг 17-дақиқасида Райс дарвоза тўсинини нишонга олди. 27-дақиқада Сака тўпни бурчак тўпидан ўйинга киритиб, тўғри дарвозага йўллади. Афсуски, тўп бу сафар ҳам дарвозага киришни хоҳламади.
Учрашувнинг сўнгги дақиқаларида ҳам “Арсенал”да имкониятлар бўлди, аммо мезбонлар 94-дақиқада Галенонинг ажойиб зарбасини голга айлантирди ва ғалабани “илиб” кетди.
Жавоб учрашувлари 13 март куни бўлиб ўтади.
“Наполи” – “Барселона” 1:1
Голлар 0:1 – 60 Левандовски, 1:1 – 75 Осимхен.
“Наполи” – Мерет, Ди Лоренсо, Жезус, Ррахмани, Оливера, Лоботка, Замбо-Ангисса, Каюсте (Траоре, 68), Политано (Распадори, 77), Кварасхелия (Линдстрем, 68), Осимхен (Симеоне, 77).
“Барселона” – тер Штеген, Кунде, Мартинес, Араухо, Жоау Канселу, Кристенсен, Ромеу, Гюндоган, де Ёнг, Педри, Ямал (Рафинья, 80), Левандовски.
Огоҳлантиришлар: де Ёнг (16), Мартинес (76), Кристенсен (78).
“Порту” – “Арсенал” 1:0
Голлар: Галено
“Порту” – Диогу Кошта, Жоау Мариу, Пепе, Отавио, Венделл (Эуштакиу, 90), Нико Гонсалес (Хайме, 81), Варела, Пепе Акино, Галено, Франсишку Консейсау (Гонсалу Боржеш, 85), Эванилсон (Тони Мартинес, 85).
“Арсенал” – Райя, Уайт, Габриэль, Салиба, Кивер, Эдегор, Райс, Хаверц, Троссард (Жоржино, 74), Мартинелли, Сака.
Огоҳлантиришлар: Райс (2), Франсишку Консейсау (52), Кивер (57), Хаверц (60), Нико Гонсалес (62).
Изоҳ (0)