22 февраль куни Саудия Арабистонининг Ар-Риёд шаҳрида Riyadh Season доирасидаги навбатдаги бокс мусобақаси бўлиб ўтди.
Турнирнинг асосий жанги Дмитрий Бивол ва Артур Бетербиев ўртасида ўтказилди. 12 раунд давом этган жангда асли қирғизистонлик бўлган Бивол очколар ҳисобига Бетербиевни мағлуб этиб, яримоғир вазн тоифасида мутлақ чемпионга айланганди.
Ушбу турнир доирасида супер ўрта вазн тоифасида WBC Интерим камари учун жанг қилган ўзбекистонлик боксчи Исроил Мадримов америкалик Виржил Ортисга очколар ҳисобига мағлуб бўлди.
Кеча ижтимоий тармоқлар орқали мазкур мусобақада спортчилар қанча пул ишлаб топгани ҳақида хабарлар пайдо бўлди.
Унга кўра, Мадримов мазкур турнирда 800 минг доллар қўлга киритган бўлса, ўз камарини сақлаб қолган Виржил Ортис эс 2 миллион доллар эгасига айланди. Энг катта гонарарни асосий жанг эгалари Дмитрий Бивол ва Артур Бетербиев олган (10 млн доллар).
Тўлиқ рўйхат:
- Бивол — 10 млн доллар
- Бетербиев — 10 млн доллар
- Паркер — $2 млн доллар
- Баколе — $600 000 доллар
- Ортис — $2 млн доллар
- Мадримов — $800 000 доллар
- Стивенсон — $2,1 млн доллар
- Педли — $500 000 доллар
- Адамес — $1,2 млн доллар
- Шираз — $800 000 доллар
- Чан - $2,5 млн доллар
- Кабаел — $1,2 млн доллар
- Буаци — $550 000 доллар
- Смит — $660 000 доллар
Маълумот учун, ҳозирга қадар 29 ёшли ҳозиргача Исроил Мадримов 13 та жанг ўтказиб, 10 та ғалаба, 2 та мағлубият ва 1 та дуранг қайд этган.
Изоҳ (0)