Қамоқхонада вафот этган Андижон шаҳрининг собиқ ҳокими, Президентнинг Тошкентдаги бир қатор манзилларга ташрифи, автобусда оилали аёлга шаҳвоний шилқимлик қилиб, қамалган кондуктор – “Дарё” нашри бугун, 5 мартда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.

Ўзбекистонда рамазон ойи 11 мартдан бошланади

Туркий давлатлар уламолари фиқҳий қоидаларга таянган ҳолда рамазон ойининг биринчи куни душанба кунига тўғри келиши ҳақида якдил фикрга келди.

Андижон шаҳрининг собиқ ҳокими Баҳром Ҳайдаров қамоқхонада вафот этди

У 2022 йилда қатор жиноятларни содир этганликда айбланиб, 10 йил муддатга озодликдан маҳрум этилганди.

ДХХ Асака тумани прокурори ўринбосари ва собиқ ИИБ ходимини 15 минг доллар пора билан қўлга олди

Улар жиноят иши доирасида қурилиш фирмаси раҳбарига нисбатан қўлланилган қамоқ эҳтиёт чорасини ўзгартириб беришни ваъда қилган.

Жиззахдаги мактабда танбеҳ бериш учун доскага чиқарилган 1-синф ўқувчиси ҳушидан кетди

Ҳолат юзасидан ички ишлар органлари томонидан терговга қадар текширув ҳаракатлари ўтказилмоқда.

Тошкентда 3 та автомобиль иштирокидаги ЙТҲда бир киши вафот этди

Автомобильлардан бирини 16 ёшли бола бошқарган.

Жиззах вилоятида маиший чиқиндилар учун янги тарифлар белгиланди 

Энди вилоят аҳолиси бир ой учун одам бошига 6 720 сўм тўлайди.

Ўзбекистон гендер тенглиги индексида энг илғор ўзгаришларни амалга оширган давлатлар қаторига кирди

Мамлакат “Аёллар, бизнес ва қонун 2024” индексида максимал 100 баллдан 82,5 балл тўплаб, Марказий Осиёда энг яхши натижаларни кўрсатди.

Тошкент вилоятида 3,6 магнитудали зилзила кузатилди

Ерости силкинишининг эпицентри Чиноз туманида жойлашган.

“Миллий гвардия мактабда фаолият кўрсатиши учун махсус тайёргарликдан ўтиши керак” — Жамшид Муслимов

Иқтисодий таҳлилчи “Дарё” билан суҳбатда мактабларда миллий гвардия ходимларининг фаолият олиб бориши ҳақида ўз фикрларини билдириб ўтди.

Жиззахда ишга жойлаштириб қўйиш учун фуқародан 6 млн сўм пул олган икки аёл ушланди

Аёллардан бири кўп тармоқли тиббиёт марказида ҳамшира бўлиб ишлаган ва муқаддам фирибгарлик учун судланган.

Ўзбекистонда суд қарорисиз уй-жойдан маҳрум этиш мумкин эмаслиги кодексда ҳам белгиланади

Турар жойлар ташқи кўринишини ўзгартириш, уларни қайта қуриш ёки бузиш шаҳарсозлик тўғрисидаги қонунчиликка мувофиқ амалга оширилиши таъминланмоқда.

Тошкентда автобусда оилали аёлга шаҳвоний шилқимлик қилган кондуктор қамалди 

У судда қилган ишидан пушаймонлигини билдириб, енгиллик беришни сўради.

“Баҳодир Жалолов мактаби ўз йўналишида худди Президент мактабидек намунавий тизим бўлади” — Шавкат Мирзиёев

Президент Тошкентда бокс бўйича Баҳодир Жалолов спорт маҳорати мактабини бориб кўрди.

Ўғли ва қудаси олиб кетган: омбудсман қамоқхонада вафот этган ҳоким иши юзасидан маълумот берди

Шу куниёқ омбудсманнинг Андижон вилоятидаги минтақавий вакили марҳумнинг оила аъзолари ва яқинлари билан суҳбатлашган.

Фарғонада аёл ижтимоий тармоқда эри билан уришиб, унга болаларини қийнагани тасвирланган видеони юборди 

Аёлнинг қайнукаси ички ишларга мурожаат қилган.

“Иқтисодиётни ривожлантириш, ёшларга таълим бериш билан бирга, уларни спорт билан шуғуллантира олсак, юртимизда соғлом миллат бўлади” — президент

Шавкат Мирзиёев Оксана Чусовитина спорт маҳорати мактабига ташриф буюриб, бу ердаги шароитларни ва машғулотларни кўздан кечирди.

Фарғонада “Ҳизб ут-таҳрир” диний экстремистик оқими аъзоси иккинчи бор қамалди

Жиноят ишлари бўйича Бағдод суди ҳукми билан 7 йил муддатга озодликдан маҳрум этилди.

Энди автомобилдан чиқаётган зарарли моддалар миқдори текширилади

Шавкат Мирзиёев экологик вазиятни яхшилаш бўйича амалга оширилаётган чора-тадбирлар билан танишди.

“Дарё”да эълон қилинган махсус материаллар

Ўзбек халқининг миллий идентификацияси: ўзбек халқининг асл аждодлари кимлар?

“Дарё” бугун ўзбек халқининг халқ сифатида шаклланиш босқичлари ва тарихи ҳақида тарих фанлари доктори, профессор Ғайбулла Бобоёров, тарих фанлари бўйича фалсафа доктори (PhD) Мунира Хатамова ва тарих фанлари бўйича фалсафа доктори Суръат Кубаевлар билан суҳбатлашди.

Сталин — ўлими СССРни ўзгартириб юборган шахс

Бундан 71 йил олдин, 1953 йил 5 март куни буюк рус композитори Сергей Прокофев оламдан ўтади. Аммо улкан мамлакат унинг ўлимини сезмайди ҳам, чунки бу вақтда барча СССРни қарийб 30 йил бошқарган Совет Иттифоқи Коммунистик партияси етакчиси Иосиф Сталин учун кўз ёши тўкаётганди. Сталиннинг ўлими СССР тарихида бурилиш нуқтасига айланди.