“Ўзбекистон темир йўллари” поездларнинг санитария-гигиена ҳолати устидан назоратни кучайтирди.
Сўнгги пайтларда ижтимоий тармоқларда поездларда чойшабларнинг ёмон ҳолати, шунингдек, сувараклар пайдо бўлгани ҳақида хабарлар тарқала бошлагани таъкидланган.
Қайд этилишича, “Ўзбекистон темир йўллари” мунтазам равишда санитария-эпидемиология назоратини амалга оширмоқда, аммо сўнгги кунларда мавжуд вазият муносабати билан санитария-эпидемиология нормаларига риоя этилиши устидан назоратни кучайтирмоқда.
Жамият раҳбарияти оммавий ахборот воситалари ва йўловчиларга фаол позицияси ва хизматдаги камчиликларни аниқлашга кўмаклашгани учун миннатдорчилик билдирди. “Ўзбекистон темир йўллари” бундай ҳолатларнинг олдини олиш учун барча зарур чораларни кўришни ваъда қилмоқда.
Ижтимоий тармоқларда Тошкент—Самарқанд йўналиши бўйича кетаётган Шарқ поездидан топилган сувараклар ҳақида хабарлар тарқалди. “Ўзбекистон темир йўллари” бу маълумот ёлғон ва ҳақиқатга тўғри келмаслигини билдирди.
Хабарда ишлатилган фотосуратлар бошқа йўналиш Тошкент—Волгоград поездига бағишланган эски нашрдан олинган. Ушбу суратларнинг Шарқ поезди билан ҳеч қандай алоқаси йўқ.
2023 йилда россиялик блогер Илья Варламов “Ўзбекистон темир йўллари” акциядорлик жамияти хизмат кўрсатиш сифатини танқид қилганди.
Изоҳ (0)