Ўзбекистондан Афғонистонга темирйўл қатнови 1 февралдан бошлаб вақтинча тўхтатилади. Бу ҳақда “Ўзбекистон темир йўллари” хабар берди.
Маълум қилинишича, 26—30 декабрь кунлари Термиз шаҳрида ўтказилган музокаралар давомида 2023 йилнинг 1 февралига қадар Афғонистон ҳудудидаги техник ишларни босқичма-босқич Афғон темир йўллари ишчилари томонидан амалга оширилиши бўйича ҳаракатлар режаси келишилган.
Учрашув давомида “Согдиана транс” SHK ва Афғон темир йўл бошқармаси ўртасида томонлар бажарадиган ишлар рўйхати икки томонлама келишилиб, янги шартнома имзоланишига келишилган ҳамда тегишли баённома имзоланган.
Афғонистон темир йўл бошқармаси келишилган чора-тадбирларни ўз вақтида амалга ошира олмаётгани сабабли 1 февралдан бошлаб Афғонистонга темир йўл қатнови вақтинча тўхтатилиши маълум қилинган. Ғалаба—Ҳайратон темирйўли очилиши ҳақидаги маълумотлар тўлдирилади.
Изоҳ (0)