“O‘zbekiston temir yo‘llari” poyezdlarning sanitariya-gigiyena holati ustidan nazoratni kuchaytirdi.
So‘nggi paytlarda ijtimoiy tarmoqlarda poyezdlarda choyshablarning yomon holati, shuningdek, suvaraklar paydo bo‘lgani haqida xabarlar tarqala boshlagani taʼkidlangan.
Qayd etilishicha, “O‘zbekiston temir yo‘llari” muntazam ravishda sanitariya-epidemiologiya nazoratini amalga oshirmoqda, ammo so‘nggi kunlarda mavjud vaziyat munosabati bilan sanitariya-epidemiologiya normalariga rioya etilishi ustidan nazoratni kuchaytirmoqda.
Jamiyat rahbariyati ommaviy axborot vositalari va yo‘lovchilarga faol pozitsiyasi va xizmatdagi kamchiliklarni aniqlashga ko‘maklashgani uchun minnatdorchilik bildirdi. “O‘zbekiston temir yo‘llari” bunday holatlarning oldini olish uchun barcha zarur choralarni ko‘rishni vaʼda qilmoqda.
Ijtimoiy tarmoqlarda Toshkent—Samarqand yo‘nalishi bo‘yicha ketayotgan Sharq poyezdidan topilgan suvaraklar haqida xabarlar tarqaldi. “O‘zbekiston temir yo‘llari” bu maʼlumot yolg‘on va haqiqatga to‘g‘ri kelmasligini bildirdi.
Xabarda ishlatilgan fotosuratlar boshqa yo‘nalish Toshkent—Volgograd poyezdiga bag‘ishlangan eski nashrdan olingan. Ushbu suratlarning Sharq poyezdi bilan hech qanday aloqasi yo‘q.
2023-yilda rossiyalik bloger Ilya Varlamov “O‘zbekiston temir yo‘llari” aksiyadorlik jamiyati xizmat ko‘rsatish sifatini tanqid qilgandi.
Izoh (0)