Тошкент шаҳрида 2 ёшли қизчани муттасил дўппослаб келган тожикистонлик энагага суд ҳукми ўқилди. Бу ҳақда Шаҳар судлари ахборот хизмати “Дарё”га хабар берди.
Келтирилишича, у 2022 йилдан то 2024 йил октябрь ойига қадар бўлган вақт давомида танишининг фарзандларига энагалик қилиш учун унинг уйида ишлаб, яшаб келган. Доимий равишда хонадон эгаси уйга савдо пулларини олиб келган вақтида, унинг чалғиганидан фойдаланиб, 1-2 млн сўмдан умумий ҳисобда 118 млн сўм нақд пулни ўғирлаб, ўз эҳтиёжлари учун сарфлаб юборган.
Бундан ташқари, 2022 йилдан то 2024 йил октябрь ойига қадар бўлган вақт давомида мазкур танишининг фарзандларига энагалик қилган. Уй эгаси уйда бўлмаган пайтларда муттасил равишда унинг 2022 йилда туғилган қизини дўппослаб, танасининг турли қисмларига уриб, тан жароҳати етказган.
Суд ҳукмига кўра, аёл 5 йил 1 ой муддатга озодликдан маҳрум қилинди ва жабрланувчи фойдасига зарар ундирилади.
Январь ойи бошларида Фарғонада 2 ёшли бола энага туфайли оғир жароҳат олганди. Ҳолат юзасидан жиноят иши қўзғатилган. 7 январь куни Тошкент вилоятида онаси томонидан калтакланган 4 ёшли қиз вафот этди. Ушбу ҳолат юзасидан ҳам жиноят иши қўзғатилиб, аёл қамоққа олинган.
Тошкент шаҳар Чилонзор туманида энагаси билан сайрга чиққан 1 ёшли қизалоқ дарахт босиб қолиши оқибатида ҳалок бўлгани тўғрисида хабар берилганди.
Изоҳ (0)