Москва туман суди янги туғилган чақалоқнинг ўлимида айбланган 24 ёшли ўзбекистонлик энагани ҳибсга олди. Бу ҳақда “78.ru” хабар берди.
Судланувчи икки ойга — 16 декабргача қамоққа олинган. Мажлис ёпиқ тарзда ўтказилган. Судланувчи рус тилини яхши билмаслиги сабабли бутун мажлис давомида унга таржимон ёрдам берган. Аёлнинг ўзи ҳам турмушга чиққан, бир ярим ёшли болани тарбияламоқда. Илгари судланмаган.
Тергов маълумотларига кўра, 15 октябрь куни ота-она олти ойлик ўғлини Ленсовет кўчасидаги хонадонида энагага қолдирган. Чўмилтириш пайтида энага чақалоқни тушириб юборган ва бола боши билан ваннага урилган. Энага тез тиббий ёрдам чақирган, аммо шифокорлар клиник ўлим ҳолатида шифохонага келтирилган болани қутқара олмаган. Дастлабки маълумотларга кўра, фожиа бош қисмининг тўмтоқ жароҳати ва бош суяги синишидан келиб чиққан.
Дастлаб, энага боланинг ҳарорати кўтарилганида унга “Нурофен” бергани, шундан сўнг чақалоқда тутқаноқ бошланиб, ҳушидан кетганини айтган.
Тергов-суриштирув ишлари давом этмоқда.
Изоҳ (0)