Nima uchun Janubiy Koreyaning eng mashhur yulduzlari 40 dan oshsa-da, hali ham bo‘ydoq?

Koreyaning eng mashhur, boy, iste’dodli, kelishgan aktyorlari 40 yoshdan oshganiga, ba’zilari esa 50 yoshga yaqinlashib qolganiga qaramay, hamon sirli tarzda yolg‘iz ekanliklarining sababi nimada?

Kon Yu, 45 yosh

U nafaqat Janubiy Koreyaning eng mashhur aktyorlaridan biri, balki mamlakatning eng havas qilinadigan bo‘ydoq yigiti ham. Uning nima uchun hamon bo‘ydoqligini hech kim tushuna olmayapti.

Mening idealim o‘zgarib qoldi. Yoshligimda his-tuyg‘ularini yorqin ifodalaydigan ayollarni yoqtirardim, endi esa o‘zimni qulay his qiladigan ayollarni afzal ko‘raman.

Aktyor ta’kidlashicha, u turmush qurish uchun qulay paytni qo‘ldan boy bergan bo‘lishi mumkin. U hozirda karyera va shaxsiy rivojlanish harakatida. Nikoh esa jiddiy qadam va hozir bu haqda o‘ylashga vaqt yo‘q.

Li Sang Yun, 42 yoshda

Li Sang Yun garchi nikohga qarshi bo‘lmasa-da, uylanishga shoshilmayapti. Aktyor juda band bo‘lgani sababli sevishishga vaqti yo‘q, lekin shunday bo‘lsa ham, u munosabatlarga ochiq.

Aktyor yaxshi hazil tuyg‘usiga ega, aqlli va g‘amxo‘r ayolni topguncha kutmoqda.

Kim Re Von, 43 yoshda

Kim Re Von ko‘pincha romantik rollarda o‘ynasa-da, munosabatlarga jiddiy qaraydigan va turmush qurishga shoshilmaydigan odam taassurotini qoldiradi.

Intervyularidan birida u hayotini baham ko‘ra oladigan ayol bilan uchrashishni istashini aytgan, ammo nikoh uning uchun jiddiy qadam ekanini va bu qarorga ongli ravishda kelish kerakligini, shoshilmaslik lozimligini ta’kidlagan.

Son San Xon, 47 yosh

Son San Xon ochiqchasiga uylanish va oila qurish istagini bildirmoqda. Biroq u uchun hislar samimiy bo‘lishi juda muhim. Agar nikoh qiladigan bo‘lsa, bu faqat sevgi tufayligina bo‘ladi.

Aktyor sokin va osuda hayot kechirishga intiladi, hamda kelajakdagi rafiqasi ham shu intilishni baham ko‘rishini xohlaydi.

Li Don Uk, 42 yosh

Aktyorning ish jadvali shunchalik tig‘izki, u qizlar u yoqda tursin, hatto do‘stlari bilan ham uchrashishga vaqt topolmaydi.

Shunday bo‘lsa-da, Don Uk uylanishni xohlaydi, chunki u uylangan do‘stlariga havas qilaverib charchagan. Biroq u nikoh hisob-kitobga emas, balki hissiyotlarga asoslanishi kerakligini muhim deb biladi.

Uning yana bir muhim sharti bor: u uy ishlarini o‘zi bajarishni yoqtiradi, shuning uchun rafiqasini xo‘jalik ishlariga aslo aralashtirgisi kelmaydi. Uningcha, ro‘zg‘or yuritish — erkak kishining vazifasi.

Li Jun Ki, 42 yoshda

Li Jun Ki avval karyerasida katta yutuqlarga erishmoqchi bo‘lgani uchun hozircha uylanishni xohlamayapti. Jun Ki allaqachon ko‘plab cho‘qqilarni zabt etib, o‘zini koreys kinematografiyasi tarixiga abadiy muhrlagan. Shunday bo‘lsa-da, aktyor hamon yolg‘iz hayot kechiryapti.

Uning so‘nggi tasdiqlangan munosabatlari 2017-yilda bo‘lib, atigi bir necha oy davom etgan. Rasmiy sabab aytilmagan, biroq aktyor hazillashib, hammasi singlisi tufayli deb izoh beradi.

Chon U Son, 51 yoshda

2014-yilda aktyor 20 yil davomida uylanishga harakat qilganini, ammo ish tufayli buning uchun qulay paytni qo‘ldan boy berganini aytgan edi.

2024-yil noyabr oyida Chon U Sonning model Mun Ga Bi bilan nikohsiz o‘g‘li borligi ma’lum bo‘ldi. Aktyor bu xabar odamlarga noqulaylik tug‘dirgani uchun jamoatchilik oldida uzr so‘rab, ota sifatida mas’uliyat va burchlarni o‘z zimmasiga olishini ma’lum qildi. Ammo qizga uylanishni rejalashtirmayapti.

Kim Nam Gil, 43 yosh

Kim Nam Gil uchun nikoh hayotning tabiiy oqimi hisoblanadi. Shuning uchun nikoh bo‘lsa bo‘ladi, bo‘lmasa hali vaqti kelmagan.

 Asosiysi, inson yaxshi bo‘lishi kerak, ammo yaxshi insonni topish uchun avvalo o‘zing yaxshi inson bo‘lishing muhim. Tashqi ko‘rinish esa aktyor uchun umuman muhim emas.