“Манчестер Сити” “Реал” футболчиси Эдуардо Камавингани ўз сафига қўшиб олмоқчи. Бу ҳақида CитйExtra сайти хабар бермоқда.
“Шаҳарликлар” ёзги трансфер ойнасида фаол бўлиши кутилаётган клублардан бири ҳисобланади. Пеп Гвардиола жамоасида катта ўзгаришлар бўлиши мумкин – таркибдаги бир нечта футболчилар “Etihad”ни тарк этиши ва янги футболчилар билан таркибни кучайтириш режалаштирилган.
Шу боис клуб раҳбарияти ярим ҳимоя чизиғига яна битта сифатли футболчи олишни режалаштириб, эътиборини “Реал Мадрид”нинг франциялик футболчиси Эдуардо Камавингага қаратган. Ҳозирда клуб ва Камавинганинг агентлиги “CАА Стеллар” ўзаро музокара бошлаш арафасида турибди. Бироқ франциялик футболчи ҳали “қироллик клуби”ни тарк этиши аниқ эмас. Камавинга ярим ҳимоячи, чап қанот ҳимоячиси сифатида ҳам ўйнай олиши билан Гвардиоланинг режасига жуда мос тушиши мумкинлиги айтилмоқда.
Маълумот учун, Эдуардо жорий мавсум Ла Лига доирасидаги 13 учрашувда майдонга тушиб, 2 голли узатма муаллифига айланган. Унинг клуб билан амалдаги шартномаси 2029 йилнинг ёзига қадар давом этади.
Изоҳ (0)