“Реал” Зинедин Зиданни мураббийлик постига қайтариш ҳақида ўйламоқда.
El Chiringuito журналисти Хосе Альвареснинг маълум қилишича, мадридликлар Карло Анчелотти ўрнига Зиданни муносиб номзод сифатида кўрмоқда. Қайд этиб ўтиш жоиз, Зидан 2021 йил май ойида “Реал”ни тарк этганидан буён бирорта клубга мураббийлик қилгани йўқ.
Клуб мураббий билан боғланган. Зиданни жамоага олиб келишдан яна бир мақсад — у “ПСЖ” ҳужумчиси Килиан Мбаппени Мадридга олиб кела олиши. Чунки Зинедин ва Килианнинг алоқалари жуда яхши.
Зидан мураббийлик фаолияти давомида фақатгина “қаймоқранглилар”да ишлаган — 2016 йилдан 2018 йилга қадар, ҳамда 2019 йилдан 2021 йилга қадар. Франциялик мутахассис “Мадрид” клуби билан 3 марта Чемпионлар Лигасида, 2 марта Ла Лигада зафар қучган.
Эслатиб ўтамиз, “Реал” бош мураббийи Карло Анчелотти 2024 йилдан бошлаб Бразилия терма жамоасини бошқаради.
Изоҳ (0)