Франция футбол федерацияси (ФФФ) президенти Филипп Диалло собиқ футболчи Зинедин Зидан Франция терма жамоасини бошқариши мумкинлиги ҳақидаги саволга жавоб берди.
“Зидан француз футболининг афсоналаридан бири. Биринчи навбатда, французлар учун қилган барча ишлари учун унга миннатдорчилик билдиришимиз зарур. Аммо бизда Франция терма жамоаси учун 2026 йилгача қоладиган мураббий мавжуд ва у жамоа билан бирга ишламоқда”, — дея Диаллонинг сўзларини келтиради “Sport.es” нашри.
Эслатиб ўтамиз, Зиданнинг охирги иш жойи “Реал Мадрид” бўлиб, у клубни 2021 йилнинг ёзида тарк этган эди.
Аввалроқ ОАВда 52 ёшли мутахассис Франция терма жамоасидан ташқари “Марсель”, шунингдек, “Манчестер Юнайтед”ни ҳам бошқариши мумкинлиги ҳақида маълумотлар пайдо бўлганди.
Франция терма жамоасининг ҳозирги бош мураббийи Дидье Дешам ҳисобланади.
Изоҳ (0)