Илон Маск яқинда ҳар бир киши ўқиши керак бўлган 9 та китобдан иборат рўйхатни эълон қилди. Ушбу китоблар сунъий интеллект, иқтисодиёт ва фалсафа каби кенг қамровли мавзуларни ўз ичига олади.
Human Compatible — Стюарт Рассел
Китобда сунъий интеллектнинг ривожланиши билан боғлиқ потенциал хавфлар муҳокама қилинади ва уни инсоният учун хавфсиз қилиш йўллари таклиф этилади.
Zero to One — Питер Тил ва Блейк Мастер
Бу муваффақиятли стартапларни яратиш бўйича қўлланма бўлиб, унда муаллиф ноёб компанияларни қуриш бўйича ўз тажрибаси ва ғоялари билан ўртоқлашади.
Меrchants of Doubt — Наоми Орескес ва Эрик М. Конвей
Китобда баъзи олимларнинг иқлим ўзгариши ва соғлиқни сақлаш каби муҳим масалалар бўйича жамоатчилик фикрини қандай бошқаргани ўрганилади.
Life 3.0 — Макс Тегмарк
Ушбу асарда сунъий интеллект ривожланишининг оқибатлари ва унинг инсоният келажагига таъсири кўриб чиқилади.
The Big Picture — Шон М. Керролл
Китоб ҳаёт, онг ва коинотга илмий нуқтаи назардан ёндашиб, фалсафий ва физик масалаларни тадқиқ этади.
Lying — Сем Харрис
Ушбу асарда муаллиф ёлғоннинг хавфлари ва жамиятда ҳалолликнинг аҳамияти ҳақида мулоҳаза юритади.
Superintelligence — Ник Бостром
Китобда сунъий интеллект инсондан устун келиши мумкин бўлган сценарийлар ва улар билан боғлиқ хавфлар таҳлил қилинади.
Тhе Wealth of Nations — Адам Смит
Эркин бозор асослари ва миллатларнинг бойишига ҳисса қўшадиган омиллар кўриб чиқиладиган иқтисодиёт бўйича классик асар.
"Radical Candor" - Ким Скотт
Китоб самимий ва очиқ фикр-мулоҳазалар орқали иш жойида самарали муносабатларни қандай ўрнатиш ҳақида.
Ушбу рўйхат Маскнинг технология, бизнес ва фалсафага бўлган қизиқишларини, шунингдек, инсоният ва технологиялар келажаги билан боғлиқ мураккаб масалаларни тушунишга бўлган интилишини акс эттиради.
Изоҳ (0)