Айни дамда Дубайда ҳамда бутун дунёда машҳур бўлган бу ширинлик нафақат ширинликсеварларни хурсанд қилиши, балки баъзиларнинг организмига жиддий зарар етказиши мумкин. Мутахассислар шоколаднинг хавфи ҳақида батафсил маълумот беришди.
-TjvDpV1H.jpg)
Дубай шоколади ўзининг экзотик кўриниши ҳамда писта, кунжут ёки бошқа маҳсулотларни ўз ичига олган ажойиб таъми билан жалб қилади. Биласизми, у соғлиқ учун хавфли бўлиши мумкин. Тренддаги бир дона шоколад плиткаси 1000 калориядан ортиқ бўлиб, бу вазнни назорат қилишга ҳаракат қилаётганлар учун жуда зарарлидир.
Юқори миқдордаги шакар ва ёғдан ташқари, Дубай шоколади юрак-қон томир тизими учун зарарли бўлган транс ёғларни ўз ичига олиши мумкин. Транс ёғлар қондаги “ёмон” холестерин миқдорини оширади, бу атеросклероз ва юрак касалликлари хавфини оширади. Айниқса, юрак муаммолари, диабет ёки юқори холестеринли одамлар бу маҳсулотни истеъмол қилишдан сақланишлари керак. Бундан ташқари, аллергияга мойил бўлган шоколадхўрлар эҳтиёт бўлишлари керак, чунки шоколадда ёнғоқ пасталари бўлиши мумкин.
Ресторан технологиялари бўйича мутахассис Максим Каплунов истеъмолчиларни бундай маҳсулотларни танлашда диққатли бўлишга ва таркибини ўрганмасдан экзотик маҳсулотларга алданмасликка чақиради. “Ёнғоқ ёки кунжутга аллергияси борлар учун Дубай шоколади ёнғоқ пасталарининг юқори концентрацияси туфайли айниқса хавфли бўлиши мумкин”, деб тушунтирди мутахассис “Петербургский дневник” нашрига берган изоҳида.
-74R0hESL.jpg)
Масалан, Москвада яшовчи аёл шоколадни татиб кўргандан кейин Квинке шиши билан касаллангани маълум бўлди. Унга тез ёрдам чақирилди ва антигистамин дориси билан инексия қилинди, жабрланувчи аллергиясининг сабаби мазкур ширинликдаги писта пастасининг юқори миқдори эканиданлиги аниқланди.
Баъзида юздаги ўзига хос тошмалар аллергик реакцияларнинг мавжудлигини билдириши мумкин. Шакарга бўлган чексиз муҳаббат сизнинг соғлиғингиз учун жуда хавфли бўлиши мумкин.
Изоҳ (0)