Диета ва спортсиз ҳам озиш мумкин: тез озишга ёрдам берадиган 5 та витамин

Парҳезшунослар маълум витаминлар диета ва жисмоний машқлар бажармасдан ҳам тезроқ вазн йўқотишга ёрдам беришини исботлади.

B витаминлари

B витаминлари сувда эрийдиган витаминлар бўлиб, озиқ-овқатни тезроқ энергияга айлантиришга ёрдам беради. Ушбу витаминлар, шунингдек, егуликларнинг соғлом ҳазм бўлишига ёрдам беради, тери ҳолатини яхшилайди, ташвиш ва депрессияни енгишга ёрдам беради.

Ушбу витаминлар гуруҳининг табиий манбаларига балиқ, парранда гўшти, сут, тухум, донли маҳсулотлар, янги апелсин шарбати ва банан киради.

C витамини

Тадқиқотлар шуни кўрсатадики, C витамини ёғ бирикмаларининг оксидланишини тезлаштиради ва шу билан қўшимча килодан халос бўлишга ёрдам беради.
C витаминининг табиий манбаларига лимон, қулупнай, карам, булғор қалампири ва брокколи киради.

D витамини

Парҳезшунослар D витаминини “ёғни эритувчи” витамин деб аташади, чунки у озиқ-овқатдаги ёғларни том маънода эритади. Бундан ташқари, бу витамин мия ва асаб тизимининг ҳолатини яхшилайди ва инсулин даражасини тартибга солади.

Ушбу витаминга бой маҳсулотлар тунец, лосос, тухум сариғи ва пишлоқни ўз ичига олади. Бироқ D витаминининг энг яхши манбайи қуёш нуридир.

Кальций

Шифокорларнинг фикрига кўра, организмда етарли миқдорда кальций бўлиши семириш эҳтимолини камайтиради. Кальций, шунингдек, суяклар, соч ва тирноқларнинг ҳолатини яхшилашга ёрдам беради.

Максимал натижага ёғи кам сут маҳсулотлари, яшил баргли сабзавотлар ва сояни мунтазам истеъмол қилиш билан эришилади.

Магний

Ортиқча вазнга қарши курашда ёрдам берадиган яна бир микроэлемент. Магний инсулин ва қон шакар даражасини тартибга солади, бу семириш хавфини камайтиришга ёрдам беради.

Бунинг учун мунтазам равишда ёнғоқлар, дуккаклилар, авокадо, қора шоколад ва исмалоқ истеъмол қилинг.