Ayni damda Dubayda hamda butun dunyoda mashhur bo‘lgan bu shirinlik nafaqat shirinliksevarlarni xursand qilishi, balki baʼzilarning organizmiga jiddiy zarar yetkazishi mumkin. Mutaxassislar shokoladning xavfi haqida batafsil maʼlumot berishdi.
-TjvDpV1H.jpg)
Dubay shokoladi o‘zining ekzotik ko‘rinishi hamda pista, kunjut yoki boshqa mahsulotlarni o‘z ichiga olgan ajoyib taʼmi bilan jalb qiladi. Bilasizmi, u sog‘liq uchun xavfli bo‘lishi mumkin. Trenddagi bir dona shokolad plitkasi 1000 kaloriyadan ortiq bo‘lib, bu vaznni nazorat qilishga harakat qilayotganlar uchun juda zararlidir.
Yuqori miqdordagi shakar va yog‘dan tashqari, Dubay shokoladi yurak-qon tomir tizimi uchun zararli bo‘lgan trans yog‘larni o‘z ichiga olishi mumkin. Trans yog‘lar qondagi “yomon” xolesterin miqdorini oshiradi, bu ateroskleroz va yurak kasalliklari xavfini oshiradi. Ayniqsa, yurak muammolari, diabet yoki yuqori xolesterinli odamlar bu mahsulotni isteʼmol qilishdan saqlanishlari kerak. Bundan tashqari, allergiyaga moyil bo‘lgan shokoladxo‘rlar ehtiyot bo‘lishlari kerak, chunki shokoladda yong‘oq pastalari bo‘lishi mumkin.
Restoran texnologiyalari bo‘yicha mutaxassis Maksim Kaplunov isteʼmolchilarni bunday mahsulotlarni tanlashda diqqatli bo‘lishga va tarkibini o‘rganmasdan ekzotik mahsulotlarga aldanmaslikka chaqiradi. “Yong‘oq yoki kunjutga allergiyasi borlar uchun Dubay shokoladi yong‘oq pastalarining yuqori konsentratsiyasi tufayli ayniqsa xavfli bo‘lishi mumkin”, deb tushuntirdi mutaxassis “Peterburgskiy dnevnik” nashriga bergan izohida.
-74R0hESL.jpg)
Masalan, Moskvada yashovchi ayol shokoladni tatib ko‘rgandan keyin Kvinke shishi bilan kasallangani maʼlum bo‘ldi. Unga tez yordam chaqirildi va antigistamin dorisi bilan inyeksiya qilindi, jabrlanuvchi allergiyasining sababi mazkur shirinlikdagi pista pastasining yuqori miqdori ekanidanligi aniqlandi.
Baʼzida yuzdagi o‘ziga xos toshmalar allergik reaksiyalarning mavjudligini bildirishi mumkin. Shakarga bo‘lgan cheksiz muhabbat sizning sog‘lig‘ingiz uchun juda xavfli bo‘lishi mumkin.
Izoh (0)