TBC Group PLC 2024 - йилнинг биринчи чораги бўйича асосий рақамларни маълум қилди. 10 май куни бўлиб ўтган йиғилишда гуруҳ томонидан компаниянинг сўнгги молиявий кўрсаткичлари таништирилди ва TBC Group Uzbekistan экотизимининг минтақадаги муваффақиятли ютуқларига урғу берилди.
Энг муҳим ютуқлардан бири Payme ва TBC УЗ иловаларида рўйхатдан ўтган фойдаланувчилар сони йил бошидан буён 1,4 миллионга ошиб, жами 14,6 миллионни ташкил этгани бўлди. Маълумотларга кўра, мамлакат аҳолисининг 13 фоизи TBC Group маҳсулотларидан ҳар ой давомида фойдаланади, бу натижанинг ўзи ҳам фуқароларнинг компания молиявий хизматларига бўлган ишончи юқори эканлигини исботлайди.
Фойдаланувчиларнинг ортиши яна бир муваффақиятли ўсишни юзага келтирди. Ўтган йил билан солиштирганда Payme иловаси орқали тўловларни амалга ошириш бўйича фойдаланувчилар фаоллиги 21 фоизга ошди.
Жорий йилнинг илк ойларида омонатлар ҳажми $244 миллионгача кўтарилди. TBC банкнинг кредит портфели 2023 йилнинг шу даврига нисбатан 110 фоизга ошиб $345 миллионга етди. Марказий банк статистикасини таҳлили шуни кўрсатдики, TBC Bank сўнгги 6 ой ичида кредит бериш тоифасида энг юқори ўсишни қайд этди.
Гуруҳнинг соф фойдаси деярли 1,5 баробар ошди. Ушбу ижобий молиявий кўрсаткич компаниянинг муваффақиятли фаолияти ва ресурсларини самарали бошқаришидан далолат бермоқда.
TBC Group муваффақияти фақатгина молиявий кўрсаткичлар билан чекланиб қолмайди. Жамоа, шунингдек, 17 хил миллат вакилларидан иборат 1500 га яқин ходимлар билан тез суръатларда ўсиб бормоқда. Бу кўп миллатли ва динамик корпоратив маданиятни яратиш бўйича узоқ йиллик меҳнатни самарасидир.
Йилнинг биринчи чорагидаги бундай натижалар молия бозорининг фаол ривожланаётганидан далолат беради ва истеъмолчилар ҳам, инвесторлар ҳам “TBC Group”нинг турли хил молиявий маҳсулотлари ва хизматларига қизиқиш билдираётганини англатади. Молиявий инновациялар ва барқарор ривожланишдаги муваффақиятлар компаниянинг соҳадаги мавқеини белгилайди ҳамда мижозлар ва ҳамкорларнинг молиявий эҳтиёжларини қондириб келаётганини тасдиқлайди.
Реклама ҳуқуқи асосида.
Изоҳ (0)