2024 йил 26 февралда TBC Х Payme Data Analytics дастурини ишга туширди. Ташаббус Data Analytics соҳасидаги мутахассисларнинг кейинги ишга жойлашиш имконияти билан билим даражасини оширишга қаратилган.
Танлов жараёни
23 январдан 16 февралгача бўлиб ўтган танлов уч босқични ўз ичига олди: асосий ва илғор техник тестлар ва дастур мутахассислари билан суҳбатлар. Жараён энг малакали номзодларни танлашга ёрдам берди. Натижада 43 нафар мутахассис танлаб олинди, уларнинг аксарияти Ўзбекистоннинг етакчи олий ўқув юртлари талабалари.
Дастур нимани таклиф қилади
Дастур 4 ой давом этади ва жорий йилнинг июнь ойида якуний лойиҳани ҳимоя қилиш билан якунланади. Номзодлар TBC Bank Uzbekistan, Payme мутахассислари ва таклиф этилган экспертлар раҳбарлигида Data Analytics’ни ўрганадилар. Улар янги техник билимларга ва маълумотлар билан ишлаш бўйича амалий кўникмаларни олишади. Энг яхши битирувчилар эса TBC Bank Uzbekistan ва Payme жамоаларига қўшилиши мумкин.
Data Analytics дастури раҳбари Ирина Данилованинг шарҳи
“Data Analytics дастурининг ишга туширилиши TBC Х Payme томонидан эълон қилинган таҳлил йилининг бир қисмидир. Бу таҳлилий кўникмаларни ривожлантириш ва янги авлод мутахассисларини тайёрлаш йўлидаги муҳим қадам. Ишончимиз комилки, бу муҳим ташаббус. Бу Ўзбекистоннинг келажакдаги рақамли экотизимини шакллантиришга хизмат қилади.
Tarin to hire — шиори бизнинг стратегик мақсадимиз ва Data Analytics дастури доирасида истеъдодларни ривожлантиришга ёндашувимизни акс эттиради. Маълумотлар таҳлилини чуқур ўрганиш учун шароит яратиш орқали биз нафақат билим берамиз, балки компанияларимизда келажакдаги инновациялар учун асос яратамиз. Дастурнинг ҳар бир номзоди ўз маҳоратини ошириш ва финтеч ва IT соҳасидаги етакчи мутахассислар жамоасидан бирига айланиш имкониятига эга” - дейди Data Analytics дастури раҳбари Ирина Данилова.
Реклама ҳуқуқи асосида.
Изоҳ (0)