Тошкент шаҳри Беруний-1 массивида жойлашган мозаикали бинодан реклама баннерлари демонтаж қилинди. Бу ҳақда Маданият ва санъатни ривожлантириш жамғармаси хабар берди.
Қайд этилишича, мозаика ва паннолардан реклама баннерларини олиб ташлаш бўйича ишлар шаҳар ҳокимлиги ва Payme тўлов тизими билан ҳамкорликда амалга оширилмоқда.
Март ойи охирларида Вазирлар Маҳкамаси қарори билан Тошкент шаҳри ва вилоятлардаги 160 га яқин мозаик панно монументал санъат ёдгорликлари сифатида Моддий маданий мероснинг кўчмас мулк объектлари миллий рўйхатига киритилган эди. Шу қарор билан мозаикали биноларга реклама баннерларини ўрнатиш тақиқланган.
- 5 апрель куни ҳам Тошкентнинг Миробод кўчасида жойлашган мозаикали бинодан реклама баннери олиб ташланганди.
- Муҳофазага муҳтож мозаика ва панноларнинг сурати ва жойлашувини mosaic@acdf.uz электрон манзилига юбориш мумкин.
Изоҳ (0)