24 сентябрь куни FTV телеканалида дунёнинг кенг миқёсдаги вокал шоуси старт олади! “FTV” (“UzReport” ААга тегишли) халқаро форматдаги “Тhе Х-faktor” лойиҳасини намойиш этиш учун Британиянинг ФреемантлеМедиа компаниясидан расмий ҳуқуқларни сотиб олган биринчи телеканал бўлди.
“Теth Х-faktor” – дунёга энг машҳур истеъдодлар вокал шоуси бўлиб, ушбу форматни дунёнинг элликдан ортиқ мамлакатларида ўтказилади. Ўзбекистон ушбу лойиҳани амалга оширган эллик саккизинчи давлатга айланди. Мазкур шоу дунё аренасида аллақачон ўз ўрнини эгаллаб улгурган ва ёрқин истеъдодларни кашф этиш ҳамда янги юлдузларни оммага олиб чиқиш орқали ўзини мустаҳкам намоён эта олган лойиҳадир.
“Биз телевизион трендлар яратиб, дунёнинг машҳур форматдаги лойиҳалари билан ҳамкорликда ишлаб, энг илғор халқаро тажрибаларни ўрганган ҳолда, Ўзбекистонда медиа бозорини ривожлантиришга ўз ҳисамизни қўшяпмиз. Бугунги кунда мамлакатимизда катта форматли шоуларни яратиш мураккаб вазифа бўлсада, фақатгина орзуга интилиб, таваккал қилган ҳолда дадил қарорлар чиқариб ва синовлардан қўрқмай омадга эриша оламиз”, – дея “UzReport АА” бош директори Равшанхон Жураев шоуни йўлга қўйиш борасида ўз фикрларини изоҳлайди.
“Х-фактор” лойиҳасининг биринчи босқичи – кастинглар, Ўзбекистоннинг 5 та йирик шаҳарлари: Самарқанд, Наманган, Бухоро, Хоразм ва Тошкентда бўлиб ўтди. Бу босқичда катта саҳнада ўз кучини синаб кўришни истовчилар сони рекорд даражага етиб, деярли 6 минг иштирокчини ташкил этди!
Кастингга келган иштирокчиларнинг сони кўп бўлишига қарамай, уларнинг орасидан фақатгина 100 нафар энг истеъдодлилари бирламчи ҳакамлар кўригидан ўтди ва Машғулотлар лагерига йўл олди. У ерда иштирокчилар ҳакамлар томонидан белгиланган мураккаб, баъзида эса деярли қилиниши имконсиз бўлган вазифаларни бажарган ҳолда, шоуда қолиш учун машаққатли курашни давом эттиришди.
Ана шу 100 нафар иштирокчилар орасидан бошқаларга қараганда синовлардан яхшироқ ўта олган фақатгина 24 нафари, кейинги — “Стуллар” номли саралаш босқичига йўл олди ва қуйидаги тўртта категорияларга бўлинди: “Йигитлар”, “Қизлар”, “25 ёшдан катталар” ва “Жамоалар”. Ушбу босқичдаги ҳакамлар кўригидан кейин эса “Х-фактор” лойиҳасида атиги 12 нафар вокалист қолди. Ана шу иштирокчилар кўп миллионлик томошабинлар кўз ўнгида шоунинг жонли эфирларида юртимизнинг энг истеъдодли хонандаси номини олиш учун узоқ ва машаққатли курашни давом эттиришади. Айнан телетомошабинлар ўзларига ҳуш ёққан ижрочига овоз бериб уларнинг келгуси тақдирини ҳал қилишади ва шоуда қолишларига имконият яратишади. Бежизга “Х-фактор” ни энг “халқчил” шоу деб аташмайди.
Бир сўз билан айтганда, “Х-Фактор” томошабинлари “Кастинглар”, “Машғулотлар лагери”, “Стуллар” каби дастлабки босқичларни кўриш имкониятига эга бўладилар – ҳеч нарса кадр ортида қолмайди, лойиҳа тўлиқ тарзда, биринчи эпизоддан тортиб, ғолибларнинг исмлари эълон қилинувчи сўнгги эпизодларгача кўрсатилади.
“Тўғрисини тан оламан, ушбу шоу кўлами мени ҳайратга солди: кастинглар географияси, ўз кучини синаб кўришни истовчилар сони – бу эса 6 мингдан ортиқ инсонлар демакдир. Бундай кўрсаткичлар, ўз ўрнида, лойиҳага бўлган катта қизиқишни англатади. Ва, албатта, ҳайратланарли саҳна, ажойиб тасвирга олиш жараёнлари, вокал даражаси ва иштирокчилар чиқишлари ёдда қоларли бўлди. Ўзбекистонда бундай шоу ҳали ҳеч қачон бўлмаган! “Х-фактор” катта янгиликка айланиши ва Ўзбекистондаги вокал лойиҳаларнинг намунаси бўлишига ишонаман», - дея, шоунинг ижрочи продюсери Дилдар Исламова ўз таасуротлари билан бўлишди.
“Х-фактор” лойиҳасидаги ҳакамлар ўриндиқларини эстрадамизнинг ёрқин, истеъдодли ва ўзига ҳос вакиллари эгаллашди: бетакрор вокалист, нафис ва латофатли – Лола Йўлдошева, мусиқий продюсер, энергияга тўла, қаттиқ қўл ва кутилмаган қарорлар соҳиби – Иброҳим Аҳмедов, ўзбек мусиқий анъаналарига содиқ– Равшан Комилов, ҳамда ёш, истеъдодли ва креатив – хонанда Жасмин. Айнан ушбу ҳакамларга шарафли ва масъулиятли вазифа – “Х-фактор” лойиҳасининг биринчи мавсуми иштирокчиларини баҳолаш ва саралаш ҳуқуқлари берилган!
Жонли эфирлар босқичида эса одил ҳакамлар категориялар бўйича мураббийга айланишади ва ўз жамоаларини шоуда ғалаба томон етаклайдилар.
Қайд этиш жоиз, “Х-фактор” ўзбек шоусининг ғолиби юртимизнинг энг истеъдодли хонандаси унвонига эришади, 100 млн сўм пул ютуғини қўлга киритади ва “ФTV” телеканалидан ахборот кўмаги ҳамда қўшиқларни эфирларда айлантириш имконига эга бўлади.
“Х-фактор” шоусининг илк сони 24 сентябрь соат 20:00 да “ФTV” телеканалида эфирга чиқади. Сизни томошабоп шоу, ҳис-туйг-уларга бой ва мароқли чиқишлар, ҳамда кўплаб ёрқин таассуротлар кутмоқда!
Ўзбекистондаги “Х-фактор” шоусининг бош ҳамкорлари: Ўзбекистон Республикаси экология вазирлиги, Ўзбекистон Республикаси Туризм ривожлантириш қўмитаси.
Ҳамкорлар: “PayМе” тўлов тизими ва Procter&Gamble трансмиллий компанияси.
Х-фактор ва ҳамкорлар дастури ушбу ҳаволаларда:
ФTV канал: https://instagram.com/ftv_kanal
Х-фактор: https://instagram.com/xfactoruz
Ўзбекистон Республикаси экология вазирлиги: https://uznature.uz/
Ўзбекистон Республикаси туризм ривожлантириш қўмитаси: https://uzbektourism.uz/
Procter&Gamble: https://pg.com/
Payme: https://ad.payme.uz/qlxfactor
Реклама ҳуқуқи асосида.
Изоҳ (2)
Ishtirok etmoqchi edim
Man ham ishtirok etmoqchi edim