2024 йил 16 февраль куни йил якунларига бағишлаб ўтказилган учрашувда “TBC Bank Group PLC” менежменти 2023 йил учун натижаларни тақдим этди.
“TBC Group Uzbekistan”нинг муваффақиятли фаолиятига доир муҳим кўрсаткичлар тақдимотнинг диққат марказига айланди. Ҳисоботда Ўзбекистондаги экотизимнинг муҳим жиҳатлари ва ютуқларига урғу берилди.
Муҳим кўрсаткичлар:
- Фойдаланувчилик базасининг сезиларли даражада кенгайиши: фойдаланувчилар сони сезиларли даражада ошиб, 15.7 млн кишига етди. Ушбу кўрсаткич “TBC Group”нинг мамлакатдаги тоборо кенгроқ фаолиятини ва мижозларнинг компания хизматларига бўлган ишончини кўрсатади. Мамлакатдаги энг йирик тўлов сервисларидан бири бўлган “Payme”нинг ҳар ойлик фаол фойдаланувчилари (МАУ) сони сезиларли даражада ошди (800 минг кишига) ва 3.4 млн.га етди. Бир вақтнинг ўзида ҳар кунлик фаол фойдаланувчилар (ДАУ) сони шу давр учун 90 минг кишига ошиб, 473 минг кишига етди. “TBC Bank Uzbekistan”нинг ҳар ойлик фаол фойдаланувчилари (МАУ) сони 2,3 бараварга ошди ва 965 минг фойдаланувчини ташкил қилди.
- Кредит портфелининг шиддат билан ўсиши: кредит портфели 2,3 бараварга ошиб, $301.7 млн.ни ташкил қилди. Бу кенгайиш мижозларнинг “TBC Bank Uzbekistan” таклифларига бўлган ишончини ва банкнинг уларнинг молиявий эҳтиёжларини самарали қондира олиш қобилиятини акс эттиради.
- Мижозлар маблағлари портфелининг сезиларли даражада ўсиши: мижозлар маблағлари портфели шиддат билан ўсиб, $219 млн.га етди. Ушбу сакраш мижозларнинг “TBC Bank Uzbekistan” депозит маҳсулотларига ва хизматларига бўлган ишончини кўрсатади ҳамда унинг бозордаги позициясини қўшимча равишда мустаҳкамлайди.
- Даромаднинг сезиларли даражада яхшиланиши: гуруҳнинг соф фойдаси сезиларли даражада ошди ва $21.8 млн.га етди, бу 26% РОЭ га тенг.
- Банк томонидан зарарсиз ишлаш ва даромадлилик нуқтасига эришилиши: “TBC Bank Uzbekistan” 2023 йилда зарарсиз ишлаш нуқтасига эришди ва уни $5.4 млн миқдоридаги соф фойда билан якунлади. Бу, банк тўлиқ рақамли эканини ва банк лицензияси олинганидан буён бор-йўғи уч йил ўтганини инобатга олган ҳолда, улкан ютуқ ҳисобланади. Дунёдаги саноқли банкларгина бундай қисқа муддат ичида зарарсиз ишлаш нуқтасига эришган.
- Банкка рекорд миқдорда йиллик сармоянинг киритилиши: бундай ҳайратланарли ўсиш фонида акциядорлар банкни барқарор ва мустаҳкам қўллаб-қувватлашда давом этмоқда. 2023 йилда $50.5 млн миқдорида рекорд йиллик сармоя қиритилди, банк фаолиятининг 3 йили давомида банк сармоясига йўналтирилган инвестицияларн6инг умумий ҳажми $129.9 млн.га етди.
- Муҳим тайинловлар: халқаро бизнес раҳбари лавозимига илгари “Tinkoff” гуруҳида CEO лавозимида ишлаган Оливер Хьюзнинг тайинланиги “TBC Group” жамоасидаги муҳим янгиликлардан бирига айланди. Унинг тажриба ва кўникмалари “TBC Group Uzbekistan” CEO Ника Курдиани билан биргаликда яқин йилларда бизнеснинг Ўзбекистонда янада юқорироқ даражага чиқишига кўмаклашади.
2023 йилги натижалар “TBC Group Uzbekistan”нинг ҳайратланарли муваффақиятини кўрсатади. “TBC Group Uzbekistan” CEO Ника Курдиани қуйидагиларни қайд этади: “Биз нафақат ўсишда давом этяпмиз (ходимларимиз сони 1.2 мингга етди), балки бу соҳада янги стандартларни ҳам яратяпмиз. Бизнинг миссиямиз – банк хизматларини шунчаки онлайн тарзда тақдим этиш эмас, балки молия бозори ландшафтини ўзгартиришдир. 2023 йил – бу бизнинг инновациялар ва муваффақиятли келажак сари йўлимизнинг бошланиши”.
TBC Group Uzbekistan
Бугун “TBC Group Uzbekistan” Ўзбекистондаги учта финтех-компаниядан иборат: “TBC Банк Узбекистан”, “TBC Рассрочка” ва “Payme” тўлов сервиси.
“TBC Bank Uzbekistan” — Ўзбекистондаги биринчи дижитал-банк. “TBC Bank Group PLC”нинг бир қисми ҳисобланади. Ўз фаолиятини 2020 йилда бошлаган “TBC Bank Uzbekistan” ўзининг инновацион молиявий технологиялар платформалари ёрдамида мижозларга хизмат кўрсатган ва мобил илова орқали чакана банк ечимларини таклиф қилган ҳолда шиддат билан ривожланмоқда. Бугунги кунда 4 млн.дан ортиқ рўйхатдан ўтган фойдаланувчи уйидан чиқмасдан туриб банк хизматларидан фойдаланиш имкониятига эга. “Одамларнинг ҳаётини осонлаштирамиз” – “TBC Bank” фаолиятининг асосий ишлаш тамойили. Рақамли технологияларни ҳаётнинг барча соҳаларига илгари сурар экан, TBC жамоаси нафбатлар, офислар, бюрократия, мураккаб жараёнлар, узоқ кутишлардан холи банкни яратмоқда.
“Payme” — Ўзбекистоннинг молиявий технологиялар соҳасидаги етакчи компаниялардан бири. Бутун мамлакат бўйлаб 11,6 млн.дан ортиқ фойдаланувчи кундалик вазифаларни ҳал қилишда тўлов иловасига ишонч билдирмоқда. “Payme” фойдаланувчиларга картадан картага ўтказмаларни, коммунал ва давлат хизматлари тўловларини амалга ошириш, ўз маблағларини бошқариш, қаҳвахона ва ресторанларда тўлаш ва бошқа кўплаб ишларни бажариш имкониятини тақдим этади. “Payme” 2012 йилда интернет-эквайринг тизими сифатида ташкил қилинган. 2016 йилда ўзининг асосий маҳсулоти – “Payme” мобил иловасини ишга туширди. 2019 йил апрелида “TBC” гуруҳи “Payme”нинг 51% улушини $5,5 млн га сотиб олди, ўша пайтда компания $10,8 млн.га баҳоланганди. 2023 йил май ойида “TBC Group Uzbekistan” “Payme” сервисининг $113,6 млн га баҳоланган қолган 49% акцияларини сотиб олди ва минтақада ўзининг молиявий технологиялар соҳасидаги етакчилигини мустаҳкамлади.
“TBC Bank Group PLC” (“TBC PLC”) — Лондон фонд биржасида TBCГ символи остида рўйхатга олинган ва “FTSE 250*” индексига кирувчи компания. “TBC PLC” компанияси “TBC Bank” АЖ (“TBC Bank”) ва компаниялар гуруҳининг она компанияси ҳисобланади, 2020 йилга қадар уларнинг фаолияти Грузия молия секторида ва у билан боғлиқ соҳаларда жамланган эди. Шунингдек “TBC PLC” Грузиядаги энг йирик рақамли экотизим – TNEТ орқали номолиявий хизматларни ҳам тақдим этади. 2020 йилда “TBC PLC” ўз фаолиятини Ўзбекистонга кенгайтирди.
* “TBC PLC” Лондон биржасида TBCГ белгиси остида котировка қилинади ва “FTSE 250*” индексига киради. Шунингдек, у “FTSE4Good” индекслар серияси ва “MSCI United Kingdom Small Cap” индексининг аъзоси ҳисобланади.
Реклама ҳуқуқи асосида.
Изоҳ (0)