Замонавий ҳимоя тизимлари Payme фойдаланувчиларининг шахсига оид маълумотларни бир неча даражали ҳимоясини таъминлайди.
Payme фойдаланувчилари маълумотларини уларнинг рухсатсиз ҳеч ким қўлга кирита олмайди. Маълумотларни ишончли ҳимоя қилиш учун компания қайси замонавий технологиялардан фойдаланади? Бу саволга Payme мутахассислари жавоб беради.
Ишончли идентификация, аутентификация ва авторизация жараёни
Шахсий аккаунтга биринчи марта киришда шахсни тасдиқлаш учун телефон рақами, аккаунт пароли ва SMS кодни киритиш талаб этилади. Аккаунтда аутентификациядан муваффақиятли ўтилгач, унга бириктирилган телефон рақамига янги қурилмадан кирилганлиги ҳақида SMS билдиришнома келади. Аккаунтга кирилганлик ҳақидаги билдиришнома фойдаланувчи аккаунтининг хавфсизлиги ва ҳимояси учун муҳим восита ҳисобланади.
Агар аккаунт эгаси иловага кирмаган бўлса-ю, бироқ бу ҳақда билдиришнома олган бўлса, у 78-150-2245 рақами орқали алоқа марказига мурожаат қилиши лозим.
Халқаро даражадаги стандартлар
Payme мижозлар маълумотлари хавфсизлигини таъминлаш мақсадида етакчи тўлов тизимлари ва банклар билан ҳамкорлик қилиб келади. Шунингдек, илова ПCИ DSS халқаро хавфсизлик стандартига жавоб беради. Ушбу стандарт тўловларга ишлов бериш ва банк карталари ҳақидаги маълумотларни сақлаш билан боғлиқ маълумотларни ҳимоя қилишни тартибга солади.
Payme фойдаланувчиларнинг молиявий маълумотларини ҳимоя қилиш талабларига қатъий риоя қилган ҳолда хавфсизлик компаниянинг асосий устувор йўналиши эканлигини исботлашга интилади.
Фирибгарларга қарши антифрод тизими
Paymeънинг антифрод тизими шахсий кабинет орқали молиявий ва бошқа ҳолатларнинг шубҳалилик даражасига баҳо беради ҳамда фирибгарликка ўхшаш ҳаракатларни аниқлаб, уларга ишлов бериш бўйича тавсияларни таклиф қилади. Ҳаракатлар турли хил параметрларнинг йирик рўйхати бўйича текширилиб, тизим улар орқали шубҳали амалиётларни аниқлайди.
Хавфсиз маълумотларни узатиш протоколларидан фойдаланиш
Илова ҳамда Telegramъдаги ботдан ташқари, фойдаланувчи шахсий кабинетига кириш учун Payme веб сайтидан фойдаланиши мумкин. Ишончли шифрлаш алгоритмлари эвазига расмий сайтдаги махфий маълумотлар хавфсизлиги таъминланади. Сервис фойдаланувчини унинг маълумотларини изнсиз қўлга киритиш мақсадида тармоқ трафигини тутиб қолмоқчи бўлган шахслардан ҳимоя қилади.
Payme мижозлари уларнинг маълумотлари идентификация жараёнидан бошлаб шахсий кабинетда шубҳали фаолликни мониторинг қилишгача бўлган барча босқичларда ишончли ҳимоя остида эканлигини яхши билишади.
Payme иловасини iOS ва Android учун юклаб олишингиз мумкин
Реклама ҳуқуқи асосида.
Изоҳ (0)