Ушбу мақолада Payme фронтенд дастурчилар жамоаси раҳбари Тимур Шамсутдинов Фронтенд ва Backend дастурлашнинг фарқи, маҳсулотларни яратишда UХ ва UI дизайннинг ўрни ҳамда фреймворкларнинг муҳим роли ҳақида сўзлаб беради. Шунингдек, IT йўналишига энди қадам қўйган ёшлар учун фойдали маслаҳатлар билан бўлишади.
Салон ва мотор
Мендан Frontend дастурлаш Backend дастурлашдан нимаси билан фарқ қилади, деб сўрашса, мен қуйидаги мисолни келтираман.
Шинам бир автомобилни тасаввур қилинг. Сиз унга ўтирганингизда салонни чироқлар ёритиб туради, юмшоқ чарм ўриндиқлар қулайлик ва енгиллик ҳисини бағишлайди. Олдингизда асбоб-ускуна панели, унда эса кўплаб регулятор ва мониторлар мавжуд. Сиз автомобилнинг барча имкониятларини осон ва интуитив равишда ўзлаштириб оласиз. Худди шу каби, Фронтент дастурлаш ҳам сайт ва иловаларнинг биз кўра ва сеза оладиган қисмларини ифодалайди.
Калитни машинанинг ўт олдириш мосламасига қўйганингизда “Backend” ишга тушади. Frontend унга сигнал юборгач, шу заҳоти мотор овозини эшитасиз. Backend дастурчи ушбу моторни, турли механизмларни, электр компонентларни ва бошқа муҳим қисмларни яратган инженер-маханикка ўхшайди.
Frontend ва Backend дастурлашнинг икки асосий компонентлари, иккиси ҳам сифатли маҳсулот яратиш учун муҳим ҳисобланади.
UI ва UХ дизайн ўрни
UI ва UХ дизайн дастурлашгача бажариладиган муҳим жараён. У баъзан Frontend'га ўз қоидалари ва трендларини буюриб туради, баъзида эса Frontend ўз техник қоидаларини ўрнатади ва дизайнни тўғри ташкил этишни мутахассисларга ўргатади.
UI ташқи кўриниш ва интерфейсни безатиш учун, UХ эса маҳсулотнинг қулайлиги учун жавоб беради. Яхши лойиҳаланган UI/UХ илова ёки сайтнинг самара ва жозибадорлигини оширади.
UI/UХ мутахассислар фойдаланувчиларнинг эҳтиёжларини инобатга олишлари, улар ҳақидаги маълумотларни таҳлил қилишлари, интерфейсни синовдан ўтказишлари ва уни доимий равишда такомиллаштириб боришлари керак. Шунингдек, дизайндаги охирги трендлар ва Frontend дастурлаш технологияларидан хабардор бўлиш талаб этилади.
Фреймворклар – энг муҳими
Фреймворклар – бу замонавий дастурий таъминотдаги тенгги йўқ восита. Улар лойиҳаларни яратиш жараёнини осонлаштириш ва дастурчиларга мураккаброқ қарорларга бор эътиборини қаратишга ёрдам беради.
Тасаввур қилинг, сиз “фреймворксиз” уй қурмоқчисиз. Бунинг учун сиз ҳар бир ғиштни қўлда яратишингиз, сўнг уларни бирин-кетин тахлашингиз керак бўларди. Бу кўп вақт ва ҳаракатни талаб этади, бироқ самарали натижани ҳеч ким кафолатламайди.
Paymeъда биз энг сўнгги технологик трендлардан хабардор бўлиш ва дастурлаш учун энг замонавий фреймворклардан фойдаланишга интиламиз. Бизнинг асосий инструментларимиз – Ангулар, Реаcт, Ангулар Материал ва Bootsтрап.
Бироқ ҳозир қизиқарли тренд – дастурлашнинг унификацияланиши гувоҳига айланмоқдамиз. Бу ерда Флуттер катта саҳнага чиқади. Ушбу фреймворк кодни бир марта ёзиб, учта платформа: Web, Android ва iOS учун иловаларга эга бўлиш имконини беради. Бу жуда қулай ҳамда кўп вақтни, ресурсларни тежайди.
Ёш Frontend дастурчиларга маслаҳат
Ҳамиша ўқиб-ўрганишга, янги технологияларни ўзлаштиришга интилинг, бироқ уларни қўллашда эҳтиёт бўлинг. Янги тиллар ва фреймворклар ўзгарувчан бўлади ва мослашув учун вақт талаб қилади. Янги технологияларни тўлиқ жорий қилишдан олдин лойиҳангиз учун уларнинг қанчалик фойдали эканлигига баҳо беринг. Ўзгаришларга тайёр бўлинг ва тез янгиланувчан IT дунёсига мослашиш учун кўникмаларингизни такомиллаштириб боринг.
Реклама ҳуқуқи асосида.
Изоҳ (0)