School 21 рақамли технологиялар мактаби IT соҳасида бепул таълим олиш имконини беради

Самарқанд шаҳридаги School 21да навбатдаги асосий таълим жараёни бошланди.

Унга саралаш босқичи натижаларига кўра, шижоатли ва тиришқоқ иштирокчилар танлаб олинди. Самарқандда истиқомат қилувчи аҳоли вакилларидан ташқари, мактабда Бухоро, Жиззах ва мамлакатнинг бошқа ҳудудларидан келганлар ҳам таҳсил олишади. Иштирокчиларнинг ўртача ёши – 22 ёшдан иборат бўлиб, уларнинг 28 фоизини қизлар ташкил этади.

Самарқанддаги School 21да иккинчи асосий таълим босқичининг бошланиши – бу мактабимиз, қолаверса, бутун Ўзбекистон IT-индустрияси учун муҳим қадамдир. Биз иштирокчиларга замонавий технологияларни ўзлаштириш ва ўрганиш учун имкон яратамиз, шунингдек, инновацияларни ривожлантириш ва мамлакатимиз келажагини бунёд этишга қодир янги авлод етакчиларини шакллантиришга ёрдам берамиз. Ишончим комилки, School 21 битирувчилари келажак авлод учун намуна бўлиб, Ўзбекистон иқтисодиёти ва технологияларини ривожлантиришга салмоқли ҳисса қўшадилар,  дейди School 21 Асосий ижрочи директори Зарина Лухманова.

Шунингдек, таълимнинг биринчи кунида иштирокчиларни Рақамли технологиялар вазирлиги ҳудудий вакили Вали Мухтаров, шунингдек, лойиҳа ҳамкорлари: Самарқанд вилояти ИИБ киберхавфсизлик бўлими бошлиғи Азамат Йўлдошев, TBC Bank ва Payme вакиллари Даврон Адилходжаев ва Патрик Стронскилар қутлашди. Тадбир доирасида ушбу ташкилотлар билан келгусида ҳамкорликни янада кенгайтириш тўғрисида меморандумлар имзоланди. Ушбу шартномалар мактаб аъзоларини амалий ўқитиш ва келажакда иш билан таъминлаш учун мустаҳкам асос яратишга хизмат қилади.

Асосий таълим 1,5 йилдан 3 йилгача давом этади. Бу давр мобайнида иштирокчилар C, C+C, Java, C#, Python, Go, Swift, JavaScript va Kotlinдастурлаш тилларини ўрганадилар, шунингдек DevOps, маълумотлар базалари билан ишлаш ва веб-дастурлаш  бўйича ўз кўникмаларини ривожлантирадилар. Бундан ташқари, уларни IT-компанияларда ҳақ тўланадиган мажбурий амалиёт кутмоқда.

Саралаш босқичига келганимда, дастурлаш бўйича мутлақо тажрибам йўқ эди. Аввалига ҳамма нарса жуда мураккаб бўлиб туюлди, лекин атрофимдагиларнинг қўллаб-қувватлаши ва қатъиятлилиги туфайли мен уддалашни бошладим ва ажабланарлиси, асосий таълимга қабул қилиндим. Ҳозир эса дастурлаш билан шуғулланишни интиқлик билан кутяпман. Бу йўл эндигина бошланмоқда ва мен янги синовларга тайёрман, дейди самарқандлик асосий таълим иштирокчиси Фарзона Гафуржонова.

Таъкидлаш лозимки, мактабда жадваллар, баҳолар ва мураббийлар йўқ, бу ерда “тенгдош-тенгдошга” методологияси асосида иштирокчилар мустақил равишда билимларни ўзлаштирадилар ва ўқув лойиҳалари устида ишлаётган вақтда бир-бирларидан ўрганадилар. Ушбу ёндашув IT жамоалари учун муҳим бўлган юмшоқ кўникмаларни ривожлантиришга ёрдам беради, жумладан, стрессга чидамлилик, вақтни режалаштириш ва самарали алоқаларни ўрнатиш қобилияти.

Гарчи саралаш босқичини якунлаш осон бўлмаган бўлсада, асосий таълим босқичига ўтганлигимдан жуда хурсандман. Мен учун мутлақо нотаниш бўлган Peer-to-Peer услубига кўникишим, маълумотни тўғри излашшни ва бошқа иштирокчилар билан мулоқот қилишни ўрганишим керак эди. Бироқ, иккинчи ҳафтадаёқ бошқа тенгдошлар билан яқиндан дўстлашдик ва бу менга кўп савол беришдан уялмасликка ёрдам берди. Мен биринчи натижаларга эриша бошладим - бу мени илҳомлантирди ва ўқишга бўлган қизиқишимни оширди,  дея таъкидлайди Жиззах вилоятидан келган асосий таълим иштирокчиси Акмалжон Гайбуллаев.

School 21 – бу Ўзбекистон ва яқин атрофдаги мамлакатларнинг 18 ёшдан ошган барча аҳолисига IT соҳасида талаб юқори бўлган касбни бепул эгаллаш имконини берадиган рақамли технологиялар мактабидир.

Бу ерда ўқиш истаги туғилганда 21-school.uz сайтига мурожаат қилиш, иккита онлайн ўйиндан ўтиш ва саралаш босқичини муваффақиятли якунлаш лозим бўлади.

Мамлакатнинг олис ҳудудларидан келган иштирокчилар Самарқанд шаҳридаги мактаб ётоқхонасида яшаб, таҳсил олишлари мумкин. Ётоқхона нархи ойига 100 000 сўм.

Мазкур мактаб Самарқанд шаҳрида ўтган йили очилган бўлиб, ушбу давр мобайнида мингдан ортиқ киши саралаш босқичи иштирокчилари бўлишди ва ўзларини IT соҳасида синаб кўришди. Иштирокчиларнинг 50% дан ортиғи учун лойиҳада иштирок этиш дастурлашдаги биринчи тажрибадир.

Сиз ҳам замоннинг талабгир касбини бепул эгаллаш ва ўз аъзоларини ҳар доим қўллаб-қувватлайдиган ва ривожлантирадиган жамоанинг бир қисмига айланиш имкониятини қўлдан чиқарманг.

School 21 - сизнинг IT оламига йўлбошчингиз

Навбатдаги саралаш босқичлари ушбу саналарда ўтказилади:

•  Тошкент шаҳри — 23 сентябрда, аризалар 19 сентябргача қабул қилинади.
•  Самарқанд шаҳри — 30 сентябрда, аризалар 24 сентябргача қабул қилинади.

Ўқиш учун ариза 21-school.uz ҳаволаси орқали топширилиши мумкин

• Самарқанд

samarkand@21-school.uz

+998930394442

Самарқанд шаҳри, Ибн Сино кўчаси, 17а

• Тошкент шаҳри

tashkent@21-school.uz

+998 93 039 4447

Тошкент шаҳри, Зиёлилар кўчаси, 13

Реклама ҳуқуқи асосида.