Африканинг Саҳел минтақаси “глобал терроризм маркази” сифатида кўплаб қуролли тўқнашувларнинг маконига айланди. Бу ҳақида Global Terrorism Index (GTI) хабар берди.
У Саҳара чўлининг жанубида жойлашган бўлиб, унга ташриф буюрган 7,555 кишидан 3,885 нафари ҳалок бўлган. 2019 йилдан бери ўлимлар сони 10 баробарга ошган. Бу минтақанинг экстремистик ва қўзғолончи гуруҳларнинг эътибор марказида эканини билдиради.
Терроризм – бу давлатга алоқадор бўлмаган шахс ёки гуруҳ томонидан сиёсий, иқтисодий, диний ёки ижтимоий мақсадларга эришиш учун қўрқитиш, мажбурлаш ёки ваҳима уйғотиш орқали ноқонуний куч ва зўравонлик ишлатиш ёки таҳдид қилишдир, дейилади GTI индексида.
Саҳел Африканинг ғарбий қирғоғи бўйлаб шарққа чўзилган ҳудуддир. Минтақа Буркина Фасо, Мали, Нигер, Камерун, Гвинея, Гамбия, Сенегал, Нигерия, Чад ва Мавритания каби жами 10 давлатни ўз ичига олади.
Саҳел дунёдаги энг юқори фарзанд кўриш кўрсаткичларига эга давлатлардан бири. Аҳолисининг деярли учдан икки қисмини 25 ёшгача бўлганлар ташкил қилади.
Бу ердаги ҳужумлар асосан икки ташкилот томонидан амалга оширилган. Булар Саҳелдаги Исломий давлат (ИШИД) гуруҳининг шўба ташкилоти ва Ал-Қоида тармоғининг бир қисми.
Африка Хавфсизлик сектори тармоғи раиси Ниагале Багаёко сўзларига кўра, террорчилар ҳукмронлик учун курашмоқда. ИШИД 2020-2021 йиллардаги давлат тўнтаришларидан сўнг, Мали ҳудудида назорат қилаётган майдонини икки баробарга оширган.
Бу ҳудуд Буркина Фасо ва Нигер билан чегараларига яқин жойларда жойлашган. Иккала гуруҳ ҳам урушда кўплаб жангчилар йўқотган ҳатто ИШИД ҳимояга болаларни ҳам сафарбар қилган. Минтақа сиёсатидаги беқарорлик ва заиф бошқарув қўзғолончи гуруҳлар учун идеал шароитлар яратган.
ГТИ ҳисоботига кўра, 2020 йилдан бери олтита муваффақиятли тўнтариш содир бўлган: иккитаси Малида, иккитаси Буркина Фасода, биттаси Гвинеяда ва биттаси Нигерда. Ушбу мамлакатлар ҳозирда ҳаммаси ҳарбий ҳунта томонидан бошқарилмоқда.
Саҳел давлат ва жамиятнинг парчаланишини бошдан кечирди. Бу йиллар давомида сиёсий раҳбарларнинг эътиборсизлиги ва маҳаллий норозиликлар кучайиб бораётгани, оқибатда террористик гуруҳлар улардан фойдаланишга уринаётгани билан изоҳланади, дейди Лондоннинг СОАС университетида минтақашунослик эксперти Фолаҳанми Ainа.
Изоҳ (0)