Президент қарори билан Хуршид Сотиев фавқулодда вазиятлар вазири ўринбосари — Фавқулодда вазиятлар профилактикаси департаменти бошлиғи вазифасини бажарувчи лавозимига тайинланди. Бу ҳақда ФВВ матбуот хизмати хабар берди.
Тайинловга қадар у ФВВ Штаб бошлиғининг ўринбосари – қутқарув кучларининг хизмат ва жанговар тайёргарлигини ташкил этиш бошқармаси бошлиғи лавозимида фаолият юритган.
Шунингдек, Нуриддин Кадиров Фавқулодда вазиятлар вазирининг ўринбосари – Маънавий-маърифий ишлар ва кадрлар билан таъминлаш департаменти бошлиғи в.б. лавозимига тайинланди.
У тайинловга қадар Марказий ҳарбий округи қўшинлари қўмондонининг тарбиявий ва мафкуравий ишлар бўйича ўринбосари лавозимида фаолият юритган.
Аввалроқ Ботир Қудратхўжаев фавқулодда вазиятлар вазири этиб тайинлангани ҳақида хабар берилганди. Кейинроқ президент фармонига мувофиқ, унга генерал майор ҳарбий унвони берилди.
2022 йилнинг март ойидан буён Абдулла Қўлдошев фавқулодда вазиятлар вазири лавозимида фаолият олиб бораётган эди.
Изоҳ (0)