Ўзбекистон президентининг тегишли қарори билан фавқулодда вазиятлар вазирига ўринбосарлар тайинланди. Бу ҳақда вазирлик матбуот хизмати хабар берди.
Полковник Санжар Зуфаров фавқулодда вазиятлар вазирининг биринчи ўринбосари — Штаб бошлиғи лавозимига тайинланди.
Санжар Зуфаров1975 йилда Тошкент шаҳрида туғилган. 1996 йилда ИИВ Ёнғиндан сақлаш олий техник мактабини тамомлаган. Тайинловга қадар Фавқулодда вазиятлар вазирлиги Бош бошқармаси бошлиғи лавозимида ишлаб келган.
Полковник Мухтор Муҳитдинов фавқулодда вазиятлар вазири ўринбосари лавозимига тайинланди.
Мухтор Муҳитдинов 1973 йилда Тошкент шаҳрида туғилган. 1996 йилда Тошкент давлат техника университетини, 2004 йилда Стратегик таҳлил ва истиқболни белгилаш олий мактабини тамомлаган. Тайинловга қадар Маҳалла ва нуронийларни қўллаб-қувватлаш вазирининг ўринбосари лавозимида ишлаб келган.
Полковник Хуршид Алибаев фавқулодда вазиятлар вазири ўринбосари лавозимига тайинланди.
Хуршид Алибаев 1982 йилда Жиззах вилоятида туғилган. 2003 йилда Ўзбекистон Миллий университетини, 2015 йилда Россия Федерацияси Фуқаро муҳофазаси академиясини тамомлаган. Тайинловга қадар Тошкент вилояти Фавқулодда вазиятлар бошқармаси бошлиғи лавозимида ишлаб келган.
Изоҳ (0)