Бухоро вилоят ФВБга 27 декабрь куни соат 17:10 ларда Ромитан тумани “Афросиёб” МФЙ Шифокорлар кўчасидан оқиб ўтувчи Хайробод каналида бир киши чўкаётгани тўғрисида хабар тушган. Бу ҳақда ФВВ матбуот хизмати хабар берди.
Маълум қилинишича, туман Фавқулодда вазиятлар бўлими қутқарувчилари айтилган манзилга етиб боргунга қадар ушбу ҳудудда хизмат олиб бораётган туман ФВБ кичик инспектори оддий аскар Б.Қобилов 16 ёшли қизни сувдан қутқариб олган.
Шундан сўнг туман шошилинч тез-тиббий ёрдам бўлимига етказган.
Ҳозирги вақтда фуқаронинг аҳволи яхши, шифокорлар назоратида.
Апрель бошларида Тошкентнинг Чилонзор туманидан оқиб ўтувчи Бўрижар каналида 3 киши чўкиб кетгани тўғрисида хабар берилганди. Январь ойи ўрталарида эса Сирдарёда ўқувчилар бўлган Gentra каналга тушиб кетиши оқибатида эгизаклар сувда ҳалок бўлган эди.
Июнь ойида Тошкент вилояти Юқори Чирчиқ тумани ҳудудидан оқиб ўтувчи Қорасув дарёси ўртасида қолиб кетган бола қутқарилганди.
Изоҳ (0)