Президентнинг тегишли қарори билан полковник Мухтор Муҳитдинов Тошкент шаҳар фавқулодда вазиятлар бошқармаси бошлиғи лавозимига тайинланди. Бу ҳақда ФВВ матбуот хизмати хабар берди.
Шу муносабат билан Мухтор Муҳитдинов фавқулодда вазиятлар вазирининг ўринбосари лавозимидан озод этилган. У 2023 йилнинг май ойида фавқулодда вазиятлар вазири ўринбосари лавозимига тайинланган эди.
Мухтор Муҳитдинов 2020 йилнинг ноябрида Тошкент шаҳар ҳокимининг ўринбосари — шаҳар каналлардан фойдаланиш ва уларга туташ ҳудудларни ободонлаштириш бошқармаси бошлиғи лавозимига тайинланган. У 1973 йилда Тошкент шаҳрида туғилган. 1996 йилда Тошкент давлат техника университетини, 2004 йилда Ўзбекистон стратегик таҳлил ва истиқболни белгилаш олий мактабини тамомлаган. Мухтор Муҳитдинов пойтахт ҳокими ўринбосари этиб тайинлангунга қадар Тошкент шаҳар Фавқулодда вазиятлар бошқармаси бошлиғи сифатида ишлаб келган.
Изоҳ (0)