Президент фармони билан адлия катта маслаҳатчиси Касимов Дилмурод бош прокурор ўринбосари лавозимига тайинланди. Бу ҳақда Бош прокуратура хабар берди.
Тайинловга қадар Дилмурод Касимов президент ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил лавозимида ишлаган.
Шунингдек, у прокуратура органларида турли масъул лавозимларда фаолият юритган.
Бундан аввал Пўлат Бобожонов президентнинг кадрлар сиёсати масалалари бўйича маслаҳатчисининг ўринбосари лавозимига тайинлангани ҳақида хабар берилганди. Генерал-лейтенант Пўлат Раззоқович Бобожонов 2017 йил сентябрдан буён Ўзбекистон Республикаси Ички ишлар вазири лавозимида ишлаб келаётган эди. Унинг ўрнини шу пайтга қадар Тошкент шаҳар ички ишлар бош бошқармаси бошлиғи лавозимида ишлаган Азиз Тошпўлатов эгаллади.
Изоҳ (0)