Россия Ташқи ишлар вазирлиги матбуот котиби Мария Захарова Украина етакчиси Владимир Зеленский билан суҳбатда АҚШ президенти Дональд Трампнинг вазминлигини қайд этди. Бу ҳақда у ўзининг Telegram каналида ёзган.
Дипломатнинг сўзларига кўра, Зеленскийнинг энг катта ёлғони унинг Киев 2022 йилда қўллаб-қувватланмасдан ёлғиз қолди, деган баёнотидир.
“Трамп ва вице-президент Ж.Д.Венс ўзларини тийиб, бу аҳмоқнинг башарасига мушт туширмагани вазминликнинг олий намунасидир”, деб ёзди Захарова.
28 февраль куни Зеленский Трамп билан учрашиш учун Вашингтонга келди. Сиёсатчилар ўртасидаги музокаралар таранг вазиятда ўтиб, асабий оҳангда якунланди.
Давлат раҳбарлари фойдали қазилмалар бўйича келишув тафсилотларини муҳокама қилишлари кутилган эди. Аммо бу режалар амалга ошмади. Музокаралар оммавий мунозарага айланиб кетди. Натижада Украина раҳбари Оқ уйни эрта тарк этди.
Трамп “Зеленский тинчлик бўйича келишувга тайёр эмаслигини” айтди.
Украина президенти билан учрашувдан сўнг Трамп Зеленский можарони тинч йўл билан ҳал этиш тарафдори эмаслигини ва АҚШга муносиб ҳурмат кўрсатмаслигини айтди. Америка етакчисига кўра, Украина президенти конструктив мулоқотга тайёр бўлгач, музокараларга қайтиши мумкин бўлади.
Изоҳ (0)