Rossiya Tashqi ishlar vazirligi matbuot kotibi Mariya Zaxarova Ukraina yetakchisi Vladimir Zelenskiy bilan suhbatda AQSH prezidenti Donald Trampning vazminligini qayd etdi. Bu haqda u o‘zining Telegram kanalida yozgan.
Diplomatning so‘zlariga ko‘ra, Zelenskiyning eng katta yolg‘oni uning Kiyev 2022-yilda qo‘llab-quvvatlanmasdan yolg‘iz qoldi, degan bayonotidir.
“Tramp va vitse-prezident J.D.Vens o‘zlarini tiyib, bu ahmoqning basharasiga musht tushirmagani vazminlikning oliy namunasidir”, deb yozdi Zaxarova.
28-fevral kuni Zelenskiy Tramp bilan uchrashish uchun Vashingtonga keldi. Siyosatchilar o‘rtasidagi muzokaralar tarang vaziyatda o‘tib, asabiy ohangda yakunlandi.
Davlat rahbarlari foydali qazilmalar bo‘yicha kelishuv tafsilotlarini muhokama qilishlari kutilgan edi. Ammo bu rejalar amalga oshmadi. Muzokaralar ommaviy munozaraga aylanib ketdi. Natijada Ukraina rahbari Oq uyni erta tark etdi.
Tramp “Zelenskiy tinchlik bo‘yicha kelishuvga tayyor emasligini” aytdi.
Ukraina prezidenti bilan uchrashuvdan so‘ng Tramp Zelenskiy mojaroni tinch yo‘l bilan hal etish tarafdori emasligini va AQSHga munosib hurmat ko‘rsatmasligini aytdi. Amerika yetakchisiga ko‘ra, Ukraina prezidenti konstruktiv muloqotga tayyor bo‘lgach, muzokaralarga qaytishi mumkin bo‘ladi.
Izoh (0)