Бурак Ўзчивит 40 ёшда: ажойиб умр йўлдош ва меҳрибон ота, фотограф ва коллексионер ҳақида нималар маълум?

Бугун, 24 декабрь куни Туркиянинг машҳур актёри Бурак Ўзчивит 40 ёшини нишонламоқда. Актёр “Муҳташам юз йил”, “Чолиқуши” ва “Севги изтироби” телесериалларидаги роллари туфайли кўплаб томошабинларнинг севимлисига айланган. Унинг чиройли кўриниши кучли харизма билан биргаликда унутилмас персонажларни яратишга ёрдам беради.

Бурак Ўзчивит — туркиялик актёр, модел ва тадбиркор. У 1984 йилда Истанбулда туғилган, Истанбулдаги Мармара университетида кино, тасвирий санъат ва фотография факультетини тамомлаган. Кейинчалик модел ҳамда актёр сифатида фаолиятини бошлаган.

Бурак Ўзчивит карьерасини модел сифатида бошлаб, турли мода намойишлари ва реклама кампанияларида иштирок этади. 2005 йилда у “Туркиянинг энг яхши модели” унвонини қўлга киритади ва “Дунёнинг энг яхши модели” танловида иштирок этади. 2007 йилда “Мажбурий никоҳ” сериалида дебют қилади, кейинчалик “Муҳташам юз йил” ва “Севги изтироби” каби кўплаб муваффақиятли драмаларда рол ўйнайди. Бироқ “Қурилиш: Усмон” фильмидаги Усмонбей роли унга оламшумул шуҳрат келтиради.

“Чолиқуши” сёмкасидаги муҳаббат ва ҳақиқий тўй

2013 йилдан 2014 йилгача эфирга узатилган “Чолиқуши” сериалида Ўзчивит бой ва олий маълумотли йигит — Камрон ролини ўйнайди, у ўзининг холаваччаси Феридега (Фаҳрие Эвжен ижро этган) кўнгил қўяди.

Содиқ турмуш ўртоқ ва ажойиб ота

“Чолиқуши” сериалининг суратга олиш пайтида актёр Фаҳрие Эвжен билан дўстлашиб кетади. Вақти келиб, улар бир-бирига кўнгил қўяди ва 2017 йилда турмуш қуришади. Ҳозирда уларнинг икки фарзанди бор. Юлдузли жуфтлик ҳавас қиларли муҳаббати ва бир-бирига содиқлиги билан танилган. Улар шахсий ҳаётидаги воқеаларни мухлислари билан ижтимоий тармоқларда тез-тез баҳам кўришади.

Бурак Ўзчивитнинг севимли машғулотлари

Муваффақиятли актёрлик карьерасидан ташқари, Ўзчивит моҳир фотограф ҳамдир. Унинг фотоколлекциялари Истанбул ва Туркиянинг бошқа шаҳарларида намойиш этилган бўлиб, унинг истеъдоди ва ноодатий ижодини намойиш этади.

Бурак Ўзчивитнинг даромади ва дабдабали ҳаёти

Фаолияти давомида актёр катта молиявий муваффақиятларга эришди. 2023 йилга келиб унинг бойлиги 12 миллион долларга баҳоланмоқда.

У оиласи билан Истанбулнинг қоқ марказидаги элита ҳудудида жойлашган ажойиб виллада яшайди. Бурак Ўзчивит қимматбаҳо автомобилларга эга бўлиб, унинг ҳашаматга мойиллигини акс эттиради. Коллекциянинг марвариди McLaren 570 С — замонавий ва ҳашаматли спорткар бўлиб, нархи 230 минг долларга тенг.

Унинг автомобиллар коллекциясида 92 000 доллар турадиган замонавий ва ҳашаматли йўлтанламас — Land Rover Range Рове ҳам бор. Актёр ҳар доим машиналарини ўзи ҳайдайди.

Сўнгги маълумотларга кўра, актёр Россияда суратга олинадиган янги “Сиз билан узоқ вақт қоламан” (“Я к тебе надолго”) номли сериалда иштирок этади ва унда бош қаҳрамон ролини ижро этади.

Янги сериалда тўсатдан Москвага қайтган туркиялик машҳур юлдуз ва унинг саргузаштлари ҳақида ҳикоя қилинади. Сюжет марказида сериалларни томоша қилишни яхши кўрадиган Марина исмли қиз туради. Бир куни унинг орзуси рўёбга чиқади ва хонадони остонасида Бурак Ўзчивит пайдо бўлади.

Бурак Ўзчивит рафиқаси Фаҳрие Эвжен билан Москвага ноябрь ойининг охирида учиб келди. Жуфтлик Москванинг диққатга сазовор жойларига, хусусан, Третяковская галереяси ва Қизил майдонга ташриф буюрди.

Маълумот учун, Бурак Ўзчивит Россия лойиҳаларида аввал ҳам иштирок этган, жумладан, актёр “Арчалар 11” фильмида эпизодик ролда намоён бўлган. Ундаги воқеалар Россиянинг ҳар хил бурчакларида содир бўлиб, ёш қиз Янги йил арафасида “Туркиялик шаҳзода” билан учрашишни чин дилдан истайди ва унинг орзуси кутилмаган тарзда амалга ошади.