Колумбияда футбол ўйини давомида 4 киши чақмоқ уриши оқибатида ҳалок бўлди.
Воқеа 9 февраль, якшанба куни Кахибио туманида жойлашган Эл-Реял ҳудудида содир бўлган. Оқибатда тўрт нафар аёл ҳалок бўлди, яна икки киши жароҳатланган.
Ўйин бошидан ёмғир ёға бошлаган. Кўпчилик томошабинлар ичкарига киришга улгурган, баъзилари эса ташқарида қолган. Ҳалок бўлганлар ёмғирдан қочиш учун дарахт остига ўтган. Чақмоқ айнан ана шу дарахтга урилган.
Табиий офатлар бўйича бошқарув вакиллари, воқеа оқибатларини баҳолаш учун мутахассислар гуруҳини юборганини маълум қилган.
Аввалроқ перулик 35 ёшли ҳимоячи Хосе Уго Де ла Круз Меза футбол ўйини вақти яшин уриши оқибатида вафот этган эди.
Туркиянинг “Кайсериспор” клуби футболчилари бўлган самолётни ҳам чақмоқ урганди. Ушбу самолёт бортида ўзбекистонлик футболчи Отабек Шукуров ҳам бўлган.
Изоҳ (0)