Turkiyaning “Kayserispor” klubi futbolchilari bo‘lgan samolyotni chaqmoq urdi. Jamoa Turkiya milliy chempionatning 36-turi doirasidagi “Fenerbahche”ga qarshi o‘yin uchun Istanbulga uchib ketayotgan bo‘lgan.
Ob-havo sharoiti tufayli kechiktirilgan samolyot 11-may, soat 17:00 da havoga ko‘tarilgan. Samolyot havoga ko‘tarilganidan ko‘p o‘tmay, yashin urib, ehtiyot chorasi sifatida Erkilet aeroportiga qaytgan.
Yo‘lovchilar orasida jabrlanganlar yo‘q. Jamoa boshqa reys bilan Istanbulga uchgan. Ushbu samolyot bortida O‘zbekistonlik Otabek Shukurov ham bo‘lgan.
12-may kuni bo‘lib o‘tgan “Fenerbahche” bilan bahsda ishtirok etgan “Kayserispor” yirik hisobda mag‘lubiyatga uchragan. O‘zbekistonlik yarim himoyachi o‘yinni asosiy tarkibda boshlagan va to‘liq harakat qilgan.
Izoh (0)