2023 йил якунларига кўра, дунёдаги энг хавфсиз авиакомпания сифатида Янги Зеландиянинг Air New Zealand авиаташувчиси тан олинди. Бу ҳақда Аirline Ratings йиллик рейтингида айтилади.
Таъкидланишича, Air New Zealand “хавфсизликка катта эътибор қаратгани учун” биринчи ўринни эгаллаган. 2024 йил бошидаги энг хавфсиз авиаташувчилар ўнталигига қуйидагилар кирган:
- Янги Зеландиянинг Air New Zealand авиаташувчиси;
- Австралиянинг Qantas авиакомпанияси;
- Австралия Virgin Australia авиакомпанияси;
- Etihad Аirways (БАА) миллий авиакомпанияси;
- Қатарнинг Qatar Airways авиакомпанияси;
- Emirates (БАА) авиакомпанияси;
- Япониянинг Аll Nippon Аirways авиакомпанияси;
- Финляндиянинг Finnair давлат авиаташувчиси;
- Гонгконгнинг Sathay Pacific Аirways авиакомпанияси;
- АҚШнинг Аlaska Airlines авиакомпанияси.
Шунингдек, SAS (Швеция), Кorean Air (Жанубий Корея), Singapore Airlines (Сингапур), EVА Аir (Тайван), British Аirways (Буюк Британия), Turkish Airlines (Туркия), ТAP Аir Portugal (Португалия), Lufthansa/Swiss Group (Германия), KLM (Нидерландия), Japan Airlines (Япония), Hawaiian Airlines (АҚШ), Аmerican Airlines (АҚШ), Аir Franse (Франция), Air Canada (Канада) ва United Airlines (АҚШ) ҳам хавфсиз авиакомпаниялар рўйхатидан жой олган.
Энг хавфсиз 10 та лоукостер (арзон) авиакомпаниялар рейтинги қуйидагича:
- Jetstar (Aвстралия);
- easyJet (Буюк Британия);
- Ryanair (Ирландия);
- Wizz Air (Венгрия);
- Norwegian (Норвегия);
- Frontier (АҚШ);
- Vueling (Испания);
- Vietjet (Вьетнам);
- Southwest (АҚШ);
- Volaris (Mексика).
Рейтингни яратиш учун экспертлар юзлаб авиакомпанияларнинг хавфсизлик кўрсаткичларини таққослаб, ўндан ортиқ мезонларни, жумладан, жиддий ҳодисалар, яқинда содир бўлган ҳалокатли авариялар, авиация бошқарув органлари ва саноат органлари томонидан ўтказилган аудитлар, рентабеллик, хавфсизлик ташаббуслари, учувчиларни тайёрлаш ва флот ёшини баҳолаган.
Бироқ баҳолашда қушлар билан тўқнашув, турбулентлик туфайли жароҳатлар, об-ҳаво таъсири ва чақмоқ уриши каби ҳодисалар инобатга олинмаган. Чунки авиакомпания бундай ҳодисаларни назорат қила олмайди.
Изоҳ (0)