АҚШнинг Юта штатида чақмоқ уриши оқибатида етти нафар бола касалхонага ётқизилди. CNN телеканали хабар беришича, бахтсиз ҳодиса 50 га яқин бола кетаётган вақтда юз берган. Момақалдироқ гумбурлаб, болалар кетаётган жойга чақмоқ келиб урилган.
Етти нафар болада соғлиқ билан боғлиқ муаммолар пайдо бўлди. Улардан икки нафари юқори электр кучланишидан жиддий жароҳат олди.
Жабрланганлар касалхонага ётқизилган. Уларнинг ҳаёти хавф остида эмаслиги хабар қилинмоқда.
3 июнь куни Чехиянинг Либерец шаҳрида Болалар кунини нишонлаш чоғида одамлар ёмғирдан яширинган дарахтга яшин урган ва кўплаб катталар ҳамда болалар жароҳат олиб, касалхонага ётқизилганди.
Жабрланганларнинг кўпчилиги юрак ритмининг бузилиши, куйишлар ва оёқ-қўлларининг ҳаракатчанлигининг вақтинчалик бузилиши билан боғлиқ неврологик жароҳатларга дучор бўлган.
Изоҳ (0)