Perulik 35 yoshli himoyachi Xose Ugo De la Kruz Meza futbol o‘yini vaqti yashin urishi oqibatida vafot etdi. Bu haqda “TASS” xabar berdi.
Voqea “Xuventud Bellavista” va “Familia Chokka” klublari o‘rtasidagi Uankayo shahrida bo‘lib o‘tgan uchrashuvning 23-daqiqasida sodir bo‘lgan. Har ikkala jamoa futbolchilari bo‘ron tufayli maydonni tark etgan, himoyachi darvozabon bilan yonma-yon turganida yashin urgan.
Ta’kidlanishicha, futbolchilar zudlik bilan kasalxonaga yotqizilgan, biroq De la Kruz Mezani saqlab qolish imkoni bo‘lmagan. Himoyachining yonida turgan darvozabon esa qattiq kuyish jarohati olgan, ammo tirik qolgan.
Fevral oyida Indoneziyada “Persikas Subanga” klubining futbolchisini o‘yin payti chaqmoq urgandi. Jarohat olgan 30 yoshli futbolchi kasalxonada vafot etgandi.
Izoh (0)