The New South Wales тез ёрдам хизмати ходими Доминик Вонг журналистларга Сидней ботаника боғидаги ҳодисадан сўнг жабрланганлар куйиш ва юрак етишмовчилиги аломатларини бошдан кечирганини маълум қилган. Бу ҳақда Al Jazeera хабар берди.
Тўрт нафар шахс, жумладан, 36 ёшли эр-хотин ва 19 ёшли йигит душанба куни кучли бўрон пайтида Сидней Опера театри яқинидаги дарахт тагида пана жой қидирган вақтида уларни яшин урган. “Уларнинг барчаси бир лаҳза ҳушини йўқотди”, деди Вонг. Уларга воқеа жойида тиббий ёрдам кўрсатилгандан сўнг касалхонага олиб кетилган, ҳозирда уларнинг аҳволи “оғир ва барқарор”, дейди расмийлар.
Душанба куни Сиднейда кучли момақалдироқ туфайли 10 000 дан ортиқ уй хўжаликлари ва корхоналар электр таъминотисиз қолди ва ҳаво, автомобиль ва темирйўл йўловчилари учун катта кечикишларга сабаб бўлди.
Weatherzone’нинг Total Lightning Network маълумотларига кўра, Австралиянинг энг йирик шаҳридан 100 км масофада соат 11:00 дан 14:00 гача 75 мингга яқин чақмоқ уриши аниқланган.
Сидней аэропортининг асосий учиш-қўниш йўлаги куннинг бошида чақмоқ зарбаси учиш-қўниш йўлагидаги тешикни ёриб юборганидан кейин тахминан 20 дақиқага ёпилди, натижада 30 дан ортиқ парвозлар бекор қилинди ва 340 га яқин рейс кечиктирилди.
Изоҳ (0)