“Ўргимчак одам: Уйга йўл йўқ”, “Дюна” фильмлари билан мухлисларга таниш бўлган актриса Зендая йўл ҳаракати қоидаларини бузгани учун жаримадан Том Ҳолланд туфайли қутулиб қолган. Бу воқеа ҳақида у Жимми Киммел билан кечки шоудаги суҳбатда сўзлаб берди.
Кўрсатув бошловчиси актрисадан тезликни оширгани учун бирор марта жаримага тортилгани ҳақида савол берди. Зендая бундай бўлишига оз қолганини, аммо унга актёр Том Ҳолланд ёрдам берганини айтди.
“Том билан онамнинг спорт машғулотларига кетаётган эдик. Кечикаётганимиз учун тезликни бир оз оширдим ва бизни полициячилар тўхтатди. Улар Томни ‘Ўргимчак одам’ фильмидан таниб қолди ва бизга жарима ёзмади. Мен огоҳлантириш олдим ва йўлда давом этдим”, — деди Зендая.
Актриса сўнгги марта “Даъвогарлар” фильмида суратга тушди. Жастин Куритзкес сценарийси асосида Лука Гуадагнино томонидан суратга олинган бадиий фильмда Зендая, Майк Фейст ва Жош ЎКоннор бош ролларни ижро этди.
Тhе Hollywood Reporter хабар беришича, Metro-Goldwyn-Mayer компанияси “Даъвогарлар” фильмининг премьерасини 2024 йил 26 апрелга кўчирди. Дастлаб фильм 2023 йил 15 сентябрда чиқиши керак бўлган. Фильм кечикишига 13 июль куни АҚШ актёрлари гилдияси иш ташлаш бошланганини эълон қилгани сабаб бўлди.
Изоҳ (0)