Актёр бўлиш осон эмас, албатта. Баъзан энг матонатлилар ҳам бу касбни уддалай олмайди. Аммо ишнинг мураккаблиги туфайли эмас, балки роллар билан боғлиқ муаммолар туфайли — қуйида шулар ҳақида гаплашамиз.
Том Ҳолланд — “Тўлган хона”
Том Ҳолланд учун “Тўлган хона” сериали бурилиш нуқтаси бўлди. Актёр бир нечта шахслар билан жиноятчи ролини ўйнаганидан ташқари, фильм продюсери ҳам эди. Биргина бошига шунча муаммо.
Мен ҳар доим яхши иш — бу оғир иш эканлигини билардим. Лекин бу фильм мени синдирди. Илгари пляжда ётиб дам олиш учун бир ҳафтага Мексикага жўнаб кетардим. Аммо ҳозир бир йиллик танаффус оламан — сериалда суратга тушиш шунчалик қийин бўлди, дейди Том Ҳолланд.
Леди Гага — “Гуччи уйи”
Леди Гага учун қаҳрамон билан бир бутун бўлиш — осон вазифа. Аммо образдан чиқиш бошқа масала. Унинг актёрлик ишига содиқлигига мисол сифатида хонандани узоқ вақт давомида қўйиб юбормаган “Гуччи уйи” фильми бўлиши мумкин:
Мен бу ролга шу қадар киришиб кетдимки, реал ҳаётдан узила бошладим. Рол устида ишлай бошлаганимга уч йил бўлди, шундан тўққиз ой талаффузим устида ишладим. Суратга олишлар охирига келиб, қандайдир психологик қийинчиликларга дуч келдим. Мен меҳмонхонада ҳам Патриция каби яшаб, гапираётгандим.
Яқинда суратга олинган “Жокер: икки кишилик телбалик” фильмида у Харли Куинн ролини ҳам ўйнади. Ҳамкасбларининг айтишича, қўшиқчи суратга тушиш пайтида образига тўлиқ мослашиш учун ўз номидан воз кечган.
Райан Гослинг — “Барби”
Райан Гослингнинг сўзларига кўра, унинг бу фильмдаги роли бутун фаолияти давомида энг қийини бўлган.
Бу ҳаётим давомида ўйнаган энг қийин рол бўлди. 70 ёшли қўғирчоқ ролига қандай ёндашиш керак? Бу ерда ҳеч қандай янгилик қилолмайсан. Ҳеч кимга тақлид қилиб бўлмайди — ҳужжатли фильмлар ҳам, Кен ҳақида ёзилган китоблар ҳам йўқ. Ҳаммаси ўзингга боғлиқ.
Бред Питт — “Юлдузлар сари”
Яқин келажак, кичик оилавий драма ва катта саёҳат — Бред Питт бош ролни ўйнаган “Юлдузлар сари” картинасини шундай тасвирлаш мумкин. Фақат унинг сўзларига кўра, қийинчиликлар суратга олиш майдончасида эмас, бир оз кейинроқ бошланган:
Бу мен ишлаган энг мураккаб фильм эди. Ҳикоя шу қадар нозикки, ҳар қандай ноўрин кадр, мусиқий фон ёки кадр ортидаги овоз осонгина барчасини бузиши мумкин эди. Биз бу мувозанатни сақлаш учун доимий равишда ҳаракат қилишимизга тўғри келди.
Киану Ривз — “Жон Уик 4”
Киану Ривз Total Фильмъга берган интервьюсида шундай дейди:
Жон Уик 4” актёрлик фаолиятим давомидаги энг оғир рол бўлди. Улар мени катта асбоб-ускуналар арсеналини бошқаришга ўргатишди. Биз пойгани янги босқичга олиб чиқишга муваффақ бўлдик, бу менга ва жамоамизнинг ҳар бир аъзосига катта завқ бағишлади.
Изоҳ (0)